9:1 Okuhangura kwa Yesu
Eishomo rituherize niritworeka oku Yesu yabaire ari omuntu nkiitwe. Yesu akakyemwa kushiisha kwonka kandi tarasisire. Nigwo mutaano oguri ahagati ya Yesu naitwe ahakuba itwe bumwe nitushiisha. Eishuura ezi nizoreka ngu kwonka kandi tarasisire.
- (Heb 4:15) (2 Kor 5:21) (Yoh 3:5) (1 Pet 2:22) (Heb 7:26) Ebyahandikirwe nibyoreka oku abantu kubarebire ebikorwa bye biri ebyomutaano, kurugirira omubigambo bye ne bikorwa bye. Omukazi wa Pilato akikiriza ngu kwo buzima Yesu akaba ari ohikirire kandi atiine mushango (Mat 29:19). Abasirikare babarooma naabo bakikiriza ngu kwo buzima Yesu akaba atiine mushango (Luk 23:47). Yesu akabuuza bagyenzi be abayudaya ngu hagire owamworeka ekibi kye ekyaine kwonka tihaine nomwe owagarukiremu (Yoh 8:46). Aha bwokugira abusinguzi bwomutaano kandi akataana nekibi Yesu akahebwa ekirunga kukira ahari bamalaika (Heb 1:3-5) Yaheebwa niziina ryomutaano shoma (Yuda 13:18) (1 Bag 22:20) (Isa 9:6) (1 Tim3:16) (Kol 1:15) Ahabwokuba ohikiriire Yesu akahikiriza emirimo, ninga enkora ya Ruhanga nkomuntu. Yesu akagamba kandi yakora ebi Ruhanga yakubaire nakora, nahabwekyo Yesu akaba ari omu kishushani kya Ruhanga, Ruhanga otakureebwa kandi otarikufa. Yesu akagira ati wareeba nyowe, noba orebire Ruhanga (Yoh 14:9) (2Jie 5:19) (Yoh 14:10) (Byak 2:22) (Yoh 1:14) Abarikwikiririza omubushatu nibagira ngu Yesu akabaho ari Ruhanga; kwonka tikwo kiri we Yesu akaba nahikiriza emirimo ya Ruhanga.
Ahakuba Yesu akaba ari owobuhangwa bwaitu, akaba nateekwa kufa. Kandi Yesu akaba ari oworuganda rwa Adamu, kandi abaana ba Adamu boona bakafa. Nitwe abakiriho nituza kufa. (1 Koe 15:22) (Room 5:14-19) Yesu akafa ahakuba akaba ari omuntu kandi woruganda rwa Adamu. Kwonka ahabwokugira ngu akafa atiine kibi kyoona, Ruhanga akamuzoora yamwiiha omubafu. Rufu ekaba etamwineho bushoborozi bwoona. (Byak 2:2) (Rom 1:4). Yesu tarafiire ahamusharaba kyonka, Biitu akikiriza yahayo amagara ge nkekihembo ahari itwe abasiisi. Yesu akoreka Rukundo ye ahariitwe yaafa ahabwe bibi byaitu (1 Kor 15:3) obwo arikumanya ngu omukufa naza kusingura ekibi hamwe na Rufu (efe 5:2,25) (Kush 1:5) (Gal 2:20)
Yesu nomuntu wokubaanza kuzooka kandi akahebwa amagara gatahwaho. Naabo boona abarikutwaaza nka Yesu kandi bakabatizibwa nka Yesu,nibagira amatsiko gokuzooka nka Yesu.
Ahabwa yesu nituza kuzoorwa kandi tucweerwe orubanja. (byak 17:31) Kuturaabe omu magara gensi egi twakuratiire Yesu, nituza kuhebwa amagara gatahwaho, obwo turikumanya ngu owazoire Yesu, naitwe naaza kutuzoora omuri Yesu. (2 Kor 4:14) (1 Kor 6:14)) (Rom 6:3-5) Rom 4:6). Ekibi nikireeta okufa. Nahabwekyo nitutuura omu Yesu twaaba tutarikweenda kufa.(2 Kor 5:221) (11 Kor 1:30,31) (Rom 1:17) Okumanya ebi nikyetagisa twaaba nitwenda kumanya amakuru marungi ebi byooka bikabaho aha bwa rukundo ya Ruhanga ahariitwe. Kandi kurinogira ngu Yesu tarazokire naitwe titwakubaire twiine amasiko goona (1kor 15:20) (kor 1:18) (Efe 3:15) (Rom 4:25). Ruhanga nayenda ngu tweteise twamara kushiisha kandi twikirize omuri Yesu ((Rom 3:25-26). Yesu ku araabe yarabire omukuboonabona atari MUSIISI, hatishi itwe kuri nogira ngu Yesu tarabiire kitaambo kiitu, hoona tukabaire tuta? Tushemeriire kugira okwikyiriza kwamaani twaaba nitwenda kubarwa nkabaana ba Ruhanga. (kol 1:22) (Efe 5:27). Tushemerire kwikiriza ngu Yesu akatufeera kandi yazooka, Kandi ni omuriwe wenka ahuturarabire kutunga amagara gatahwaho. (1Pet 1:21).
Niturabira omukubatizibwa okuhikire nokukoora ebihikire twamara kubatizibwa omu bukama bwa Ruhanga twamara kubatizibwa nituba twaafa kandi twazooka na Yesu (Rom 6:3-5) (Rom 4:25). Twaaba tutabatiziibwe, ebitwamara kushoma omukitabo eki nibiba bitatwiniire mugasho. (Kush 7:14). Buri izooba tushemeriire kwekyebera kandi tukashaba Ruhanga turikushaba okusasirwa, kutwakuba twashisha Ruhanga atusasire. Tushemerire kugyezaho tukaguma turi abahikiirire kuhisya aha kufa kwiitu narishi obu Yesu aragagarukye. (abafiripi 3:9). Ebikorwa byantu byoonka tibirikutuma twajunwa kwihaho nahabwembabazi za Ruhanga obwo twamara kwikiriza (Efe 2:8,9) (Rom 5:17) Ebikorwa nkekyo ekyokuhereza omukanisa nendijo mirimo yobuhereza kishemeriire kukorwa ahabwokusiima, kureba ngu nobarwa omu bantu bamukama. Nahabwekyo tibikorwa birungi nebindi (Yok 2:17).
9.2 ESHAGAMA YA YESU
Nikigambwa omu baiburi, endagaano esya ngu omuntu okujunwa nokurabira omu shagama ya Yesu. (1 Yoh 1:17) (Kush 5:9,12:11) (rom 5:9) Okumanya amakuru geshagama ya Yesu, nekintu kikuru aha byahandikirwe. Amagara gomuntu goona gemeriire aha shagama (Lev 17:14). Hatariho shagama omubiri tigurikubaasa kubaho. Yesu akagira ati kwihaho warya aha mubiri gwomwaana womuntu, kandi wanywa neshagama ye, nibwo oragire amagara. (Yoh 6:53).
Empeera yekibi nokufa (Rom 6:23) okufa okarugwamu eshagama eshagama erikuhereza amagara. Egi niyo shonga emwe eyabaire etuma abisirayiri basheesha eshagama bakatamba ebitambo, kubabaire bashiisha. Eki kikaba kiri ekyo kubaijusya ngu ekibi nikireeta okufa. Yongyera oshome (Heb 9:22) oreebe eshagama hamwe nekiragiro kya Musa. Adamu na Eva okweshangira namababi kikaba kitarikumara. Nikyo Ruhanga yitiire omwaana gwetaama kubahereza oruhu rwokushangira ebibi byaabo (Kut 3: 7,21). Nekindi Abeli okutamba enyamaishwa kikaikirizibwa munonga okukira Kaini owatambire ebihingwa shoma (kut 4:3-5). Ebi byoona nibyorekyerera aha shagama ya Yesu, eyashesheshekire ahabwaitu ahamusharaba. Kandi kigaruka kyorekyerera enyima aha kuhigurwaho obu emijigaijo yabamisiri yaitwa kwonka tukugira ngu eshagama yebinyamaishwa nekwihaho ebibi (Heb 10:4)
Kwonka ekibunzo nikigira ngu ahabwenki abayudaaya bakaba bataamba ebinyamaishwa bamara kushiisha. Paulo nagarukamu ati omu (Gal 3:24) ngu ekiragiro kya Musa kikaba kiri ekyo kkutwiriza haihi na Yesu. Enyamaishwa ezabaire ziitwa zikaba ziba zitaine kabara koona (Kur 12:5) (Lev 1:3,10) eki nikyorekyerera ahari Yesu owabaire ataine mushango gwoona narishi katokoozi koona, kwonka kandi aka tufeera. (1 Pet 1:19 ) EShagama yebikooko ebyo neyorekyerera eshagama ya Yesu (Heb 9:15) (Heb 8:5-9) (Heb 9:26) (Rom 8:3). Bingi omundagaano nibyorekyerera ahari, Yesu namunoga ebyo byoona ebiri omu kiragiro kya Musa.Nkoku omundagano eyiira, omukiragiro kya Musa, kyabiire kiri ngu omuhereza omukuru “High priest “ niwe yabiire arabwamu kuhika ahari Ruhanga omukushaba,
Nahati nikwe kiri norabira omuri Yesu okushaba kwawe kwaaza kuhurirwa owa Ruhanga. (Heb 2: 14 –18) (Heb 7: 28) (Heb 9:15) (Heb 7:26).
Nkoku omuhereza omuukuru yabaire ahereza abantu abikiriza bonka nikyo kimwe nahati Yesu najwekera abo bonka abikiriza, abo ababatizibwe omuriwe baheza kweega kandi kwikiriza ebyahandikirwe. (Heb 10: 21) (1 Pet 2:2-5) ( Heb 3:6) ( Heb 13 :15) (Heb 10: 21-25)
(1) Tushemeriire kugira okwikiriza twaba nitwenda kuhika haihi na Ruhanga. Okwetegyereza Yesu, tushemeriire kubanza twabatizibwa omuri we. Tushemeriire kugumizamu nitukuratira Yesu kuhisya aha izooba ryaha muheru.
(2) Tutushemeriire kuruga aha bigyendererwa byaitu ebyatumire twikiriza Yesu nko mujuni waitu.
(3) Tushemerire kukwatanisa hamwe nkabantu beeka emwe ya Yesu. Eki kishemerire kukorwa buriijo obwo turi kwirira aha meeza, twaaba nitwijuka okufa kwa Yesu.
Okwikiriza ebi, bishemerire kutuha amasiko go kujunwa, obwo twaaba tubatizibwe omuri Yesu. (Heb 4: 16).
9.3 Yesu kikamuyamba nitwe kyatuyamba okufa kwe.
Yesu akaba nayenda obusimguzi kuruga omumagara aga aguturimu agarikuhwaho. Amagara aga agarikuhwaho, gakarugirira ahakibi kya Adamu, Yesu akaba atiine mutaano naabo abuyabaire ayizire kucungura.
- (Zab 31:5) (Luk 23:46) (Zab 49:15)
- (Zab 89:26-27)
-
Yesu akaba atarikubaasa kuguma omukituuro, ahakuba empeera yekibi nokufa, kandi Yesu we akaba atiine kibi. Nahabwekyo akaba atarikubaasa kuguma afire (Byak 23-24).
Naitwe abarikwikiririza omuri Yesu nituza kuzooka nkawe, obwo twaaba tubatiziibwe omuriwe kandi naitwe tutungye emagara gatahwaho.
- Kikaba kitarikubasika omuntu atiine kibi kuguma omukituuro. (Rom 6:9-10)
- Yesu okuba omucureezi kandi ari kurabira omukushaba buriijo kikongyerera ahakukundwa Ishe munonga (Heb 5:7-8)
- Yesu ahabwokusheesha eshagama ye, akacungurwa kuruga omubafu yahebwa amagara gatahwaho. (Heb 9:12). Yesu akataaha omwiguru ahararugye nagaruka aha omunsi kucweera orubaja. Omukituuro Yesu akasingura ekyo ekyabaire kiine amaani gokufa, nahabweekyo Yesu akasigura Rufu. Kandi naitwe tweena abarikirize Yesu obwo twaaba nitukuratira Yesu ebyarikweenda (Heb 2:14)
- Ruhanga owembabazi kandi nobusingye akazoora Yesu omuriisa omurungi (Heb 13:10-21) Paulo nahendera ebaruha ye arikugira ati, Yesu akagira ati egi neshagama yangye eyendagaano ensya, eyashesheka ahabwanyu ahabwebibi byanyu (Mat 26:28). Enyimaho twareeba ngu eshagama nemanyisa amagara, nahabwekyo Yesu akikiriza yahayo amagara ge, kwenda ngu acungure amagara gaitu. (Mat. 20:28). Twikiriza nituza kurabira omuri Yesu kuhika ahari Ruhanga. (Fil 2:8-11) Yesu ahabwokukora ebi Ruhanga arikukunda, kandi akafeera aha musharaba, akatwiguriraho omuhanda ngu weena orimwikirza yabatizibwa omuriwe, tarifa. Yesu niwe mazima na magara (1 Pet 2:24) (2 Tim 1:10)
9.4 YESU AKABA OMUJWEKYERWA WAITU
Ebikooko ebyabaire bitambwa nkebitambo bikaba bitamariraho kimwe ebibi byomuntu, kwonka Yesu ahabwokushushana naitwe, akamariraho kimwe ekibi. (Heb 2:17) Yesu akaikiriza okufa kuyamba buri muntu weeena. (Heb 2:9). Eki nikimanyisa ngu twashiisha, Ruhanga natusasira aha bwa Yesu (efe 4:32). Ruhanga natushushanisa na Yesu, omuntu owakyemirwe kushiisha kwonka kandi atashiishe, nitusasirwa ebibi byaitu twamara kushaba okusasirwa turikurabira omuri Yesu.
Kuri nogira ngu Yesu akaba ari Ruhanga Atari muntu nkiitwe takutujwekiire Yesu okutufeera tikirikumanyisa ngututurikufa, kwonka waafa ohikiriire, nooba otaafa noba noshisha nkogwejegyeire. Nabwanyima Yesu yagaruka, noza kuzooka nka Yesu okuyazokire atucweerwe orubanja nabwanyima tutaahe omu bakama bwa Ruhanga kandi tutungye amagara gatahwaho. Eki nikyo tworekiriire tweena nkabakurasi ba Yesu. Okujunwa namagara nibitungwa kurabira omukufa nokuzoka kwa Yesu. Yesu akashashura eibanja nane eshagama nokusasira ebirikutuma twatunga amagara.
Ebyeshongoro bingi byabamwe, nibihabya abantu. Ediini ezimwe nibateera ebidongo beshongora, bazina barikuhabya abantu, omumwanya gwokushomesa abantu amaziima gonyiine agarikushangwa omu Baibuli.
Okugira ngu Yesu akatufeera, (Rom 5:8) baingi nibakitwaara ngu nikimanyisa ngu Yesu akafa omumwanya gwaitu; (1Kor 15) (Rom 5:12) kwonka eki nikimnayisa ngu Yesu akafa ahabwebibi byaitu, akatuteraho omuhanda kugira ngu omuriwe nitutunga okusasirwa ebibi byaitu. (Heb 7:25) (Heb 10:120 (Gal 1:4) Omukubatizibwa, twaaza omumaizi gakatushangira, nituba twaafa na Yesu kandi twarugayo nituba twazooka nawe. Okuzooka kwa Yesu nokwiitu. Tukahebwa amasiko gokuzooka ahakuba turi omuri Yesu owazokire (1 Pet 1:3)
9.5 Yesu nane ekiragiro kya Musa
Yesu akaba ekitaambo kiitu kyabasiisi omubwijwiire. Yesu niwe yagiire omumwanya gwomunyamurwa mukuru. Omumwanya gwokutamba ebikooko, Yesu akahayo yaba ekitambo kyaitu. Nahabwekyo okurabira omumunyamurwa mukuru kuhika ahari Ruhanga tikyakiriho kwihaho hati niturabira omuri Yesu (Heb 10:5-14). Ekiragiro (Heb 7:12) (Heb 7:16) Ekiragiro kyamusa tihaine kihango eki kyayambire kwonka amasiko tukagagira ahabwa Yesu (Heb 7:18,19) Yesu akaza omumwanya gwe kiragiro kya Musa. Hati okwikiririza omu kutamba ebitambo hamwe nokwikiriza omubanyamurwa babantu, kigwerire kimwe ahabwokuba Yesu ariho kandi akaza omumwanya gweebi byoona. Nituba aba Ruhanga ahabwokumwikiriza (Faith) kwonka ti habwokukuratira ekiragiro. (Gal 3:11) (Heb 2:4) kuwabaire ohenda kimwe aha biragiro bya Musa okaba okyeenwa. Kwonka hati okucungurwa kwiitu kuri omuk kurabira omuri Yesu hatari kukuratira ekiragiro kya Musa (Rom 8:3) (Gal 3:13) Endagaano Ensya akaza omu mwanya gwendagaano eyiira (Heb 8:13). Okufa kwa Yesu aha musharaba kikareeta okuhwaho kwekiragiro kya Musa Ebyabaire bikorwa nka okwijuka sabato nebindi byoona bikaba nibyorekyerera ahari Yesu nahabwekyo Yesu kuyayizire ekigyendererwa kyabyo kyakoma aho.
(Gal 3:10) Bamwe ebibarikukora hati nkokuha kimwe kikumi, okujwara esapuri, okushaba omumurungo gwomutaano, byoona ebi nebikwatiriine nekiragiro kya Musa ekitakiine kikiri kuyamba. Kwihaho hati nokugira amasiko omuri Yesu kyonka kandi okakoora ebihikire, nibwo orayirire haihi na na Ruhanga kwonka hatari kukuratira ekiragiro. Bamwe nibagira ngu bimwe aha biragiro bya Musa bishemerire kukuratirwa nkoku saramurwa. Kwonka eki kigwiire. Yakobo na hakanisiza kimwe eki (Byak 15:24) (Byak 15:10,11) Hati tutwakiri aha nkomo yekiragiro baitu Yesu akakimaraho. (Gal 2:16, 3:11) (Byak 13:39).
Abakuristo nibareeba Paapa nko munyamurwa waabo mukuru (High priest). Kwonka haruho omunyamurwa mukuru omwe wenka niwe Yesu Kristo, ahagati ya Ruhanga nano muntu. Yesu niwe hati ari omwiguru ari kuherezayo eshaara zaitu owa Ruhanga. Tihaine eyikiri kworekwa omu Baiburi ngu abegyesibwa ba Yesu nka Petero kubafiire basigira obuvunanizibwa bwaabo na Paapa, ninga abandi abanyamurwa (1 Pet 2:9) (Kush 5:10). Abakatoriki okweeta omunyamurwa waabo Taata tikihikire ahakuba nikihakanisa eki Baiburi erikugamba ngu “Oteeta omuntu weena sho ninga Taata kwihaho ogwe wenka . owomwiguru (Mat 23:9) (Mat 23:8) Ebijwaaro ebirikujwarwa abanyamurwa nkaba “Bishop” nibyorekyerera enyima ahari enbyo ebyabaire nibijwarwa abanyamurwa ba kare. Kwonka ebyo byoona bikaba nibyorekyerera Yesu kandi hati obwariho Yesu, tibiine mugasho
Abo abarikushaba Bikira Mariya tihaine kikirikubayamba. Ahakuba niturabira omuri Yesu kuhika ahari Ruhanga Atari Bikira Maria. (Yoh 14:13,14) (Yoh 15:16) (Yoh 16:23-26) Yesu akagira ati ni yesu wenka arikuhisya abantu ahari Ruhanga Atari Maryamu ningashi Bikira Maria. (Yoh 2:2-4) (Yoh 6;44)
Kimwe kikumi eki kikaba kiri kimwe ahakiragiro kya Musa. (Kub 18:21) Eki ahabayudaaya babaire bahereza kimwe kikumi, bakakiha aboruganda rwa LEVI. Kwonka hati okureeba ngu tihakiriho banyamurwa, tikirikwetagisa kuhereza kimwe kikumi ahari bakuru bekanisa. Ruhanga we wenka tarikwetaga bicweero ahakuba buri kimwe kwoona nikiruga ahari Ruhanga nahabwekyo tikiine mugasho kugaruriza Ruhanga ekiyamara kukuhereza. (Zab 50:8-13) (1Chron 29:14) (Rom 12:1)
Enyama: Ekiragiro kya Musa kikaba nikitwaara enyama ezimwe kuba zitahikire kuriibwa. Namunoonga nkempunu; kwonka eki kikaihwaho obu Yesu yafeera aha musharaba (Kol 2:14-16) Yesu nagira ati tihariho eki omuntu arikurya ekirikumushisha, kwihaho ekirikuruga omuriwe (Mak 7:15-23) Yesu akagira ngu ebyokurya byoona bihikire (Mak 7:19) (Byak 10:14, 15) (Rom 14:14) (Rom 14:2) (1Kor 8:8) (1 Tim 4:3).
9.6 Sabato
Sabato rikaba riri eizooba ryahamuheru rya wiiki eri Ruhanga yahumurireho arikukora. (Kur 20:10,11). Hati Sande niizooba ryokubaanza Nikiba kitahikire kugira ngu sande ni zooba ryahamuheru omu Sande. (Ezra 20:12) (Kur 16:290 (Neh 9:14) Musa akabahereza kukora okusiramura ahobwabishekuru kwonka tihabwe nka Musa. (Kur 31:17) (Gal 3:15,19) Nahabwekyo okufa kwa Yesu ahamusharaba, kukamaraho ekiragiro kya Musa (1 Kor 2:14-17) (Gal 4:9-11) (Rom 14:5,6) Abakurasi abaakare bakaba babugana aha izooba ryokubanza omu wiiki niryo Sande. Eryo izooba niryo babaire bijukiraho okufa hamwe nokuzooka kwa Yesu kandi bakiriira aha meeza. (Byak 20:7) (1 Kor 16:2) (1 Pet 2:9) (Mat 12:5). (Gal 3:10) (Kur 35:2,3) (Kur 16:23) (Kub 15:32-36) Okukora omurimo gwoona aha Sabato kikaba kitikirizibwa. Owabaire ashangwa nakora omurimo gwoona, akaba ayitwa, okushenya enku, okuteeka byoona tihaine ekyabaire nikikirizibwa kukorwa. Bakaba basiiba bekingiriine omunju, nahabwekyo abo abarikugira ngu nibahikiriza Sabato obwiire obu nibabaiha.
- (Kub 31:21) (Josh 23;6:2) (Bir 4:13)
- Musa akambuka aha rushozi kutunga ebiragiro ikimi, yagira ati Ruhanga naitwe akakora endagaano nitwe aha rushozi rwa Horeb (Bir 5:2)
- (Kur 34:28) (Kur 34:27)
- (1 Bag 8:9,21)
- (Heb 9:4)
- (2Kor 3:7-11)
- (2Kol 2:14) (Rom 7:6)
- (Rom7:8) (Rom 7:1-7)
Ebi byoona nibyoreka ngu endagaano enkuru eyekiragiro kya Musa neyoreka oku yabaire ekwatiriine nebiragiro Ikumi. Ikumi bikihwaho endagaano ensya.
Ebiragiro Ikumi bikaija byagarukwamu omundagaano ensya. Ebiragiro ebi ekya 3,5,6,7,8,9 Nibishangwa omu 1 Timoseo eshuura yokubaanza (1,2, hamwe neki 10 nibishangwa omu (1Kor 5). Kwonka kandi ekiragiro kya kana tihaine yikirikushangwa omu ndagaano ensya. Ebi nibyoreka oku ebiragiro mwenda nibyikirizibwa kandi bigarukwamu omundagaano ensya.
1st Efe 4:6, 1 Yoh 5:21, Mat 4:10.
2nd 1Kor 10:14, Rom 1:25.
3rd Yak 5:12, Mat 5:34,35
5th Efe 6:1,2, Kol 3:20
6th 1 Yoh 3:15 Mat 5:21,22.
7th Heb 13: 4 Mat 5:27,28.
8th Rom 2:21 Efe 4:28
9th Kol 3:9 Efe 4:25, 2Tim 3:3
10th Efe 5:3, Kol 3:5.
Titushemeriirre kwijuka ekiro kya sabato omurundi gumwe omu wiiki. Kwonka tushemeriire kutuura obwiire bwiitu bwoona turikwijuka sabato (Mat 11:28 ) (Heb 4:3,10).
Okwetegyereza 28
Ebyahandikirwe mbyoreka ngu yesu akafa aha musharaba emikono ye eri ahaiguru kwonka etananwiire aha musharaba nka bingi oku barikuteekateeka. Eshuura ezirikwikirizana neki nizo ezi (Ezra 20: 5,6,15 ) (Ezra 36:7) (Heb 5:7) (Yoh 3:14)
Abakristo okujwaara esapuri. Tihaine kirikumanyisa, okujwaara ousharaba tikirikumanyisa ngu Ruhanga naaba ari nawe. Eki kiri nkoku obwiire bwa “Chrisimas” abantu bariku taho Cristmas tree” eki tikiine kiirikumanyisa nakakye ekirikugambwa omu Baibuli.
Yesu Akazarwa Ebiro 25th Bya December Nari?
Enshobi endijo ekwatiriine nobu Yesu yazarwa (Luk 2: 8) ebiro 25 byokwikumi nebiri, kikaba kiri ekiro kyaba kafiire eki babaire bashemererwaho. Nahabwekyo nabikiriza bakaba batwaaza nkabo ahabwobutenda kuhiganisibwa.
(Byak 20:30) (1Yoh 2:18) (2Tes 2:3) (2 Pet 2:1 –3). “ Christmas trees” nebindi byoona bikaba byorekyera embaga yabakafiire eyibabaire bakora aha kiro eki.
Nahabwekyo abakurasi ba Yesu tibashemeriire kujaguza ekiro kyokuzarwa kwa Yesu nka 25 December kyonka kwonka nebiro ebindi byoona tushemeriire kwijuka oku Yesu yatuferire .
Abikiriza bashemieriire kwijuka okuzarwa kwa Yesu ekiro kyoona ekibatungiraho obiire ,nkebiro bikuru nebindi biiro byoona kyabasika kwonka kigumire kumanya ekiro kyonine eki Yesu yazarirweho ahabweho ahabwwe mpindahiduka yebiro.
EISHOMO RYA 9
EBIBUUZO
(1) Ahabwwenki okufa kwa Yesu kutari kwondijo muntu kwabaire nikwetagisa omu kujunwa kwiitu nokutuha amagara.
(2) Ahabwenki okutamba ebitambo omukiragiro kya Musa, kyabaire kitarikumara kutwihaho ebibi?
(3) Yesu akatujwekyera obu yaafa aha musharaba nari akaafa omumwanya gwaitu kugira ngu hati tuturikufa?
(4) Omuri ebi ebihikire nibiiha?
(a) Yesu akafa omumwanya gwaitu. Hati tuturikufa.
(b) Yesu akatujwekyera nahabwekyo Ruhanga natusasira twamara kwikiriza omuriwe kandi tuketiisa.
(c) Yesu akaba ari nkaitwe kwonka kandi tarikutujwekyera
(d) Okufa kwa Yesu nikimanyisa ngu Ruhanga takivunaana muntu weena ahabwokushiisha.
(5) Yesu kikamuyamba aha bwokufa kwe nari?
(6) Yesu kuyafiire aha musharaba hakabaho ki?
(a) Akayihaho ekiragiro kya Musa kwonka hagumaho ebiragiro Ikimu.
(b) Akayihaho ekiragiro kya Musa hamwe nebiragiro Ikumi.
(c) Akayihaho ekiragiro kya Musa kwonka ebijaguzo byabayudaya byagumaho.
(d) Okufa kwa Yesu tihaine kikwahidwireho aha kiragiro kya Musa.
(7) Tushemeriire kuba nitwijuka ekiro kya sabato hati nari?.
(8) Hereza enshonga zawe ahabiklwatiriine nekibuuzo kyomunaba ya mushanju.