EISHOMO 8
OBUHANGWA BWA YESU
8.1 ENTANDIKIRIRO
Ekyobusaasi bingi nahati tibarikuhereza Yesu ekitinisa kye, ahabwokusingura ekibi. Abo abarikwikiririza omubushatu nibagumizamu bagira ngu Yesu akaba ari Ruhunga takukyemwa kandi takushiisha nka Yesu okuyatwarize (Yak 1:13). Endiini enzindi nke ya ba "Mormons" nana aba Jehovah’s witnesses, nibanga kwikiriza ngu Yesu akaba ari omwaana wa Ruhanga hamwe na bingi ebiyakozire. Bwamwe bibagira ngu Yesu obuhangwa bwe, akaba ari nka Adamu. Kwonka kandi Adamu akakorwa omwitaka kandi we Yesu akazarwa Maryamu ahabwa maani ga Ruhanga. Nahbwekyo akaba atiine ishe. Ishe akaba ari Ruhanga. Yesu akaba ari nkaitwe kandi akaba nabaasa kushisha kwonka kandi tarasisire (Heb 4:15) Yesu natugira ngu tukuratire Ruhanga nkawe (2 Kor 5:19). Yesu natugira ngu omuri Ruhanga wenka, niwe buhumuriro.
8.2 OMUTAANO OGURI AHARI RUHANGA NA YESU.
Bamwe nkokutwareeba nibagira ngu Yesu akaba ari Ruhanga kugira ngu akakuratira Ishe ebi yabire nayenda. Orukiiko orwabaire Nicca, omumwaaka gwa 325 AD Nibwo ekiintu kyobushatu kyashomesibwa kwonka Baibili tihaine eyikirikushangwa, (Yoh 3:36, 6:53, 17:3).
Yesu akaba ari omwaana wa Ruhanga, Nahabwekyo tihaine oku omwaana arikubaasa kwingana na Ishe.
Ekintu kimwe ekitushemereire kumanya, ahabuzare bwa Yesu na Ruhanga nikishangwa omu (Tim 2:5). Nikigira ngu hariho Ruhanga Omwe wenka, kandi ngu hariho Omuntu Omwe wenka Orikurabwamu kuhika ahari Ruhanga,niwe Yesu Kristo . Nahabwekyo,
kuturaabe nitwikirizaa ngu hariho Ruhanga omwe weenka, twagaruka tukagira ngu
Yesu nawe ni Ruhanga obwe nibaba ba Ruhanga babiri kwonka nitumanya kandi na Baiburi netugambira ngu hariho Ruhanga omwe wenka (1 Kor 8:6).
Tihariho kugira hariho Ruhanga Omwaana nkabokwikiriza omubushatu barikugira.
Endagaano enkuru nayo nekihamya ngu hakaba hariho Ruhanga omwe wenka owabaire nayetwa Yahweh (Isa 63:16:8). Hariho omutonganirizi waitu owa Ruhanga , niwe Yesu Kristo. Nahabwekyo tarikubaasa kuba omutonganirizi waitu, kandi akagaruka akaba Ruhanga. Nitwikirizibwa owa Ruhanga obwo twarabira omuri Yesu. Hati Ruhanga yaba ari Yesu nikiba kitiine makuru kumurabiramu kandi obwe we wenka ari Ruhanga.
Paulo we wenka omuburizi ruranganwa tihaine ahari kugamba Yesu kuba Ruhanga.
Ruhanga akaba nataana na Yesu omumiringo mingi.(Kub 23:19) (Hos 11:9).
Yesu akaba ari Omwaana womuntu. Ekirikworeka ngu akaba nabaasa kushisha kandi no kufa.(Isa 5: 12) (Kor 15:21) (Luke 1:32). Omwaana nabaasa kugira akakwaate nishe Omushushana nebikorwa kwonka tarikubaasa kuba Ishe. Ebirikukurataho nibyoreka ngu Yesu akaba atari Ruhanga.
|
(GOD) RUHANGA |
(JESUS) YESU |
|
Ruhanga tarikubaasa Kukyenwa (Yak 1:13) |
Yesu akakyenwa nkaitwe (Heb 4:15) |
|
Ruhanga tarikubaasa Kufa (Zab 90:2) (Tim 6:16) (Kur 33:20) |
Yesu akafa yaaza omukituuro kumara ebiro bishatu (Mat 12:40;16:21) |
|
Ruhanga tarikubaasa kurebwa Abantu (Tim 6:16) (Kur 33:20) |
Yesu akareebwa abantu (1 Yoha 1:1) |
Kuturikukyemwa tugyezibwa kusharamu ahagati yekibi (okushisha) hamwe nokukuratira Ruhanga. Nawe Yesu omumiringo yoona Yesu akasharamu kukuratira Ruhanga.
Nahabwekyo Yesu tarasiisire nitumanya ngu omuri bimwe ebyaraganisiibwe Daudi akaba ari Yesu 2 Sam (7:12-16) akanyerere ka 14 nikoreka ngu Yesu akaba nabaasa kushisha, kwonka tarasisire. Nahabwekyo Yesu akaba Atari Ruhanga.
8.3 OBUHANGWA BWA YESU
Omu buhangwa turi omu miringo ebiri.
- Obuhangwa bwa Ruhanga
- Obuhangwa bwomuntu. Omubuhangwa bwa Ruhanga, Ruhanga tarikufa, tarikukyemwa hamwe nebindi. Kandi omu buhangwa bwo muntu, omuntu naafa, nakyemwa, nareebwa, nebindi. Kandi obuhangwa bwomuntu Yesu bwoona akabugira kandi Yesu akaba atarikubaasa kugira emiringo ebiri, omuringo gwa Ruhanga hamwe nogwomuntu. (Heb 4:15) (Mak 7:15-23) (Yak 1:13-15) Okushiisha nitwe twenka turikutuma twashiisha. Tihariho ekindi kintu ninga omuntu orikutuma twashiisha. Omuntu akahebwa amagyezi gokumanya ekibi nekirungi nahabwekkyo omuntu yashiisha, nomushango gwe. Nahabwekyo Yesu akaba ari owobuhangwa bwaitu. (Heb 2:14-18). Yesu akaba atiine bamalaika nka Ruhanga (Heb 2:16) (Heb 2:14) (Heb 2:17) Niturabira omuri Yesu Kutunga Okusasirwa owa Ruhanga. Nahabwekyo twagira ngu Yesu akaba Atari nkiitwe, nituba tutarikumanya amakuru marungi kandi turikutaana aha byahandikirwe. Ababatiziibwe, bamara kushiisha nibikirizibwa kwija ahari Ruhanga bakashaba okusasiirwa obwo barikurabira omuri Yesu (1Yoh 1:9). Ruhanga namanya ngu nitukyemwa nka Yesu okuyakyemirwe. (efe 4:32) (Heb 2:14) (Yoh 4:24). Nahabwekyo nitusaasirwe ahabwa Yesu. Yesu akaba aine omubiri neshagama nkiitwe kwonka kandi Ruhanga ebi yabaire atiine. Nahabwekyo ekinakyo nikyoreka ngu Yesu akaba Atari Ruhanga. Shoma (Rom 8:3). Empeera yekibi nokufa kandi ekihembo kya bahikiriire, namagara gatahwaho. Yesu akaba ari nkiitwe, akaba nabaasa kushiisha. (Rom 7:18-23). Baingi nkabanyabiragiro bakagyezaho kukyema Yesu ngu bakamugiraho rwekwaso kwonka bareemwa. Eki kikabaho emirundi mingi obu Yesu yabaire nakora ebyokutangaaza omwiziina rya Ishe (Mak 10:17, 18) (Yoh 2:23-25)
8.4 OKUBA OMUNTU KWA YESU
Ebirikworeka ngu Yesu akaba ari omuntu nibingi munonga omu Baibuli
- Nitureeba ngu Yesu akarira obu Lazaro yaafa (Yoh 11:35).
- Yesu akaruha yashitama yanywa amaizi aha iziba (Yoh 4:6)
- Yesu akatonzya ngu kyaaba nikibasika Ruhanga atikiriza ngu afeere ahamusharaba. (Yoh 12:27) (Mat 26:39).
Ebi byoona nibyoreka ngu Yesu akaba ari omuntu nkiitwe kwonka atari Ruhanga (Yoh 5:30) Yesu we akagira ngu we nkomuntu tarikubaasa kugira ekiyakora kuhindura aha kitekateeko kiishe. Ngu kandi ebikorwa bye byoona bikaba biri aha kukunda kwiishe. (Efe 4:13) (Luk 2:52) yakura arikugira obwengye bwokumanya ekibi nekirungi Yesu akagira ngu nawe wenka tarikumanya ekiro ekyarugarukiraho. Orikukimanya ni Ruhanga (Mak 13:32). Yesu aha myaka 12 akaba yagizire amagyezi arikuhajana nabashomesa bebiragiro nkaba Farisaayo nabandi. (Heb 5:8, 9) (Phil 2:7,8) Yesu akakora kandi yakuratira ebi Ruhanga yabaire nakunda.
Yesu akatukunda nikyo kyarugiremu okuhayo amagara ge ahamusharaba akatufeera. (Efe 5:2,25) (Kush 1:5) (Gal 2:20) Yesu nagira ngu akikiriza kuhayo amagara ge ahabweitu kandi ekyo kikongyera kutuma Ishe yamukunda munonga (Yoh 10:17,18) (Mat 3:17) (Mat 12:15) (Mat 17:5).
Yesu atakafiire akabaanza yashaba yayeshengyereza Ruhanga ngu omwiheho ekikopo kyokufa. Eki nikyoreka ngu buzima Yesu akaba Atari Ruhanga. Obushoborozi bwokuzibira okufa Yesu akaba atabwiine. (Heb 5:7) Yesu kuyafiire akazooka, kikoreka ngu hati Rufu ekaba etakiine kyerikukora kyoona ahariwe (Rom 6:9) Zabuli nizorekyerera Yesu nkawe wenka orikuhereza amagara..
- Zab 91:11,12 neyorekwa omu (Mat 4:6) erikworeka oku Ruhanga naza kuha Yesu obusinguzi narishi amagara gatahwaho. Zab 69:21 networeka okubambwa kwa Yesu. Kandi zabuli niyo emwe etworeka oku Yesu yatekatekire aha musharaba (Mat 27:34).
- (Zab 89) egi networeka narishi negamba ahandagaano ya Ruhanga eyiyakozire na Daudi. Endagaano egyo obwe erikworekyerera Yesu Kristo.
- Eshaara za Yesu ziyashabire zikahurirwa Heb 5:7. Ahakuba amagara gatahwaho akagatunga. Eki nikiuru munonga omu ndagaano Ensya yoona.
- Ruhanga akazoora Yesu yaaba omunjuni wa bantu (Byak 5:30,31)
- (Byak 3:13,15)
- (Byak 2:24,332,33)
- Yoh 17:5, 13:32, 8:54.
Kuri nogira ngu Yesu akaba ari Ruhanga, ebi byoona ebyaruga kworekwa, bikabaire bitariho. Yesu tiyakwetagire kuyambwa. Yesu tiyakwetagire ebintu bibiri, akaba omuntu kandi akagaruka akaba Ruhanga, Ruhanga we tarikufa nahabwekyo Yesu kurinogira ngu akaba ari Ruhanga, akaba atarikuza kufa.
8.5 OBUZAARE BWA RUHANGA NA YESU
Kurugirira ahabi twareeba, Ruhanga niwe yazoire Yesu kuri nogira ngu bombi bakaba nibaigana, Yesu akaba naba aine obushoborozi bwekwezoora we wenka obuzaare bwa Ruhanga na Yesu nibushushana nobwo oburi ahagati yomushaija hamwe nomukazi we: Omuntwe gwa buri mushaija ni Yesu: Kandi omutwe gwomukazi nomushaija: Kandi omutwe gwa Yesu ni Ruhanga" (1 Kor 11:3). Nkomushaija okwaari omutwe gwomuazi, na Ruhanga nikwe ari omutwe gwa Yesu nobu baraabe bombi, Ruhanga na Yesu biine obumw nekorangana. Nkomushaija eyi aine nomumukazi we (1 Kor 3:23) (1Pet 1:3) (Efe 1:17) omundagaano ensya ebaruha za Paulo nizoreka buzima oku Ruhanga ari Ruhanga wa Yesu ekitabo kyokushukururwa omu ndayaano ensya kikahandikwa yamara kutemba omwiguru, kwonka nkigamba ngu Ruhanga akaba ari Ruhanga wa Yesu (Kush 1:6) (Kush 3:12).
- (Yoh 20:17) ahamusharaba Yesu akoreka ngu ti Ruhanga obu yashaba namaziga gakaragara, akagira ati Ruhanga wangye Ruhanga wangye, ahabwenki wandekaho? (Mat 27:46). Eki nikyoreka ngu Yesu akaba atari Ruhanga. Ahakuba Ruhanga tarikubaasa kweshaba. (Heb 5:7; Luk 6:12) (Rom 8:26,27) (2 Kor 3:18). Yesu hati ari omwiguru kandi nakitushabira owa Ruhanga nahabwekyo Yesu ti Ruhanga; kandi Yesu na Ruhanga tibarikwingana. Yesu nomwaana wa Ruhanga.
OKWETEGYEREZA 27
Okuba omu muringo gwa Ruhanga Yesu okuba omumuringo gwa Ruhanga akatekateeka ngu tibushuma kwingana na Ruhanga kwonka taretungwiire kwonka yaguma ari omuzaana wa Ruhanga (Abafiripi 2:5-11). Eshuura egi nekyengwa kubi, kugira ngu nemanyisa ngu Yesu akaba ari Ruhanga ngu kwonka ahakuzarwa yaba omuntu. Eki kigumire ishoborora kugira ngu Yesu akaruga omwiguru yiija yaza omunda ya Maryamu yazaarwa nahabwekyo eshura egi nemanyisa ebi
Nukwe Yesu akaba ari omukishushani kya Ruhanga ahabwebikorwa bye shooma (Abafiripi 2:5, 1:27, 2:2-5, 2:5-8) Nitureeba ngu Yesu akasharamu kuba omuhereza wa Ruhanga (Abafiripi 2:7). Eki kiine akakwaate na (Kut 1:27) ahukirikworekwa ngu omushaija akakorwa omu kishushani kya Ruhanga, kugira ngu naza kutegyeka byoona ebi Ruhanga yahangire. Kwonka kuyasisire byoona ebyamuraganisibwe byahinduka. Yesu we wenka akaba namanya ngu tarikwingana Ruhanga ahakuba tihaine omwaana okuyakubasa kwingana nishe. (Yoh 13:14) (Mat20:28) (Isa 52:14) Yesu okuba omu muringo gwa Ruhanga, nikibasika kuba omubitekateeko, kwonka Hatari mukutandika.
EBIBUUZO
1. Nogira ngu Baibuli neshomesa ngu Ruhanga nobushatu?………
2. Handika ebintu bishatu ebirikutanisa ngu Yesu ti Ruhanga.
3. Nimuringo ki oguYesu Yabiire nataana ahariitwe.
4. Nimiringo ki eyi Yesu yabaare nashushana na Ruhanga
5. Nimuringo ki ogu Yesu yabaire nashushana naitwe
6. Omuri ebi ebihikre nibiiha
7. Yesu akaba nabaasa kushiisha nari?