RUHANGA HAMWE NAMASITANE
6.1 RUHANGA HAMWE NAMASITANE
Bingi nibagira ngu haruho ekintu ekiri ahantu eki barikweeta sitane! Nibagira ngu sitane egi niyo erikuturetera ebizibu kandi erikutuma twashiisha. Baibuli netugira ngu Ruhanga niwe wenka aine obushoborozi. Kuturikugira ngu hariho ondijo muntu oba ekikooko ekiine obushoborozi, nituba nitubanganisa. Obushoborozi bwa Ruhanga Heb 2:14 netugira ngu Yesu akamaraho amaani ga sitane obuyaafa. Nahabwekyo nituza kureeba sitane egi nenki omunsi omu, baingi nibatekateeka ngu ebintu ebirungi nibiruga ahari Ruhanga kandi ebibi biruga ahari sitane. Aba Babirooni bo bakaba bagira ngu hakaba hariho baruhanga babiri, ruhanga webirungi hamwe nomushana kandi hamwe na ruhanga webibi nomwirima, ngu kandi abo bombiri bakaba batuura batendana. Nano omukama wa Persia nukwe yabaire natekateeka atyo. Kwonka Ruhanga aka mugira ati ninye Ruhanga nyenka tihariho Ruhanga ondijo, yagira ati ninye ndikureeta omushana kandi nkareeta omwirima, nideeta obusingye kandi neeta ebisiraani. Nitumanya ngu ekibi kikija omunsi ahabwomuntu Atari Ruhanga. (Isa 45:5-7, 22) (Rom5:12).
Ruhanga akagira ngu oburugo bwamaani bwoona niburuga ahari we weenka.
Ruhanga niwe arikureeta ebizibu (Amos 3:6) nagira ati hariho ebizibu bingi omutauni ati kandi Ruhanga niwe abiresire. Mika 1:12) nagira ngu ebizibu nibiruga ahari Ruhanga biza aha muryango gwa Yerusalemu. Omukitabo kya Yubu, nitushoma ngu Yubu omushaija owabiire ahikiriire, akaferwa buri kimwe kyoona akiyabaire aine. Kwonka Yubu we akagira ati Ruhanga akampa hati yanyihaho, taragizire ati Ruhanga akampa hati sitane yanyihaho (Yubu 1:21) (Yubu 2:10) (Yubu 42:11). Ruhanga arikutegyeka abantu boona, n’abasa kukozesa omuntu Mubi kuteganisa omuntu we ohikiriire, kwenda ngu amugyezese areebe yaaba nabaasa kumugumaho (Heb 112:6-11) (1 Kor 5:5) (1 Tim 1:20) Kutwakubaire nitumanya ngu Ruhanga tiwe arikureeta ebizibu, titwakubaire nitushaba Ruhanga ngu atuyambe atwiheho ebizibu ebyo, ahakuba takubaire abineho obushoborozi. (Rom 8:28)
Ekibi nikiruga omuriitwe nomushango gwaitu twamara kushiisha timushango gwa Ruhanga ninga gwa sitane. Tushemerire kumanya ngu empeera yekibi nokufa (Rom 6:23). Kuri nogira ngu sitane niyo erikutuma omuntu yashiisha, Ruhanga akabaire nafubira sitane Atari muntu. Tihariho ekintu eki kuruga aheeru yomuntu kikamushiisha kwihaho ekyo ekirikuruga omunda ye; nko obwenzi, obwiisi, omweryo, obushema nebindi (Mak 7:15-23). Omuntu niiwe arikutuma yashiisha we wenka. (Yakobo 1:14) (Yak 4:1). Ekitabo kyaba Rooma nikigamba munonga aha kibi, okukizire kandi nokuwakubaasa kukyerinda. Paulo nagamba ekigambo sitane omurundi gumwe. Kuri nogira ngu hariho ekintu aheeru yitu kibakweeta sitane, kikabaire nikigambwa munonga omu ndagaano enkuru kwonka tikirimu. Omubwiire bwa baramuzi, abantu bakashiisha munonga kwonka tikugira hariho ekintu aheeru ekirikutuma bashiisha, kwonka Ruhanga nagira abantu ati begarukemu bamugarukire (Bir 27:9,10) (Yosh 22:5). Paulo nagira ngu omuriwe tihaine karungi kamurimu kwihaho ebibi byonka. (Rom 7:18-21) (Isa 57:17) (Rom 7:15-20) Yeremiya nagira ati omutima gwomuntu nomusiisi (Yer 17:9). Yezu nawe nagira ati omuntu omuriwe weena namusiisi. (Mat 7:11) (Mub 9:3). Paulo omubagalatiya nagira at Ebibi byaitu nebikorwa byomubiri (Gal 5:19). Omumitima yitu niharugamu ebintu bibi bingi kandi itwe twenka tushemerire kutegyeka emitima yitu (Efu 6:18). Emitima yitu nisitaane (Yer 8:12) (Yer:9) yongyera oshome emishororongo egi (Efu 4:23) (Ebyok 5:3)
6.2 SITANE
(1Bag 11:14) negira ngu Ruhanga akabonesa sitane ahari Solomoni (1Bag 11:23,25). Aha akaba namanyisa ngu ekintu ekyabaire nikiteganisa Isirayiri, kwonka tikugira ngu akabonesa ekintu kyobushoborozi ekyabaire kine obushoborozi kirikweetwa sitane. (Mat 16:22, 23). Ekigambo sitane nikimanyisa ekintu ekirikukwiha aha kintu ekyoriho kikakukozesa ekindi. Nikibaasa kuba kirungi ninga kibi (Mat 6:24) Ekigambo ssitane nikibaasa kukozesibwa omu ngamba ya burijo, nahabwekyo okukikozesa tikikumanyisa ngu nekintu ekisiraani ekiri aheeru yitu.
Ekigambo sitane tikirikumanyisa kibi ngaha, ahakuba na Ruhanga wenka bakamweta sitane. Emitima yitu erikutukozesa ebibi niyo sitane mpango aharubaju rwiitu. Ruhanga nabaasa kuba sitane ahabwokugira ngu ahariitwe naturetera ebikyemo omumagara gaitu. Okugira ngu Ruhanga nabaasa kweetwa sitane, tikirikumanyisa ngu nomusiisi. Ruhanga akakora nka sitane obuyatuma Yubu omuzaana we yabonabona, yijuka Yubu akagira ati oriyo nokora nka sitane aharubaju rwangye (Yub 30:21).
Omubaibuli Yezu akagira abegyesibwa be ati nabatorana imwe kwonka omwe ahariimwe ni sitane. Aha akaba namanyisa Yuda Ishekaryoota owabaire ari omuntu kwonka akaba atarikumanyisa ekintu kyabaire kiri okwe kiine amahembe kine amaani kirikweetwa sitane. Aha Yesu akaba namanyisa omuntu mubi (Tim 3:11) (1 Tim 3:1,3) (Tit 2:3) sitane tikirikumanyisa ngu akaba ari Malika ngu kuyayedimire, Ruhanga yamunaga ahansi, eki tikihikire. Shoma emishororongo egi omu Baibuli (Abefeso 4:22, Heb 2:14, Rom 6:23, Yak 1:14, Heb 2:14, Rom 6:23). Ebikorwa bya sitane hamwe nebibi bitu byine akakwaate (Ebyakk 5:3). Kuturikugira ekintu kibi narishi ekitekateeko kibi aha Mitima yaitu, (Isa 59:13). Kiri nkoku omukazi arikugira enda yomwaana, omwaana natandikira omunda ya nyina takutandikira heeru ya nyina (Yak 1:14,15). Eki nikyoreka oku ekibi kirikutuzamu ahamuheru kikaturetera okufa Zab 109:6 (Zab 110:1)
Barungi nibagira ngu sitane nomuntu wobushoborozi kandi wamaani nkokutwa twarebire enyima (Heb 2:14) kandi (Efu 9:1) yo negira egamba aha mukazi orikweetwa Bwengye arikwombeka enju, (Rom 6:23) neshushanisa ekibi nanomushashuzi womushara gwokufa, nebindi bingi. Eki nikyoreka ngu ekigambo sitane nikikozesibwa nkomuntu kwonka kandi kitarikumanyisa ekyo ekyagambwa; (Rom 5:21; 6:6, 17; 7:13-14). Sitane neyetwa ekicuncu omuri (1 Pet 5:8) ayetwa omuhiigi omu (2 Tim 2:26) Enjoka (Kush 12:9) nahabwekyo sitane terikubaasa kuba ebi ebintu byoona. Ekirikworeka ngu ekigambo sitane nikikozesibwa omumuringo mingi kwonka kandi kitarikumanyisa ebintu ebyo. Omumuringo ogundi sitane nekozesibwa omu Baibuli omumuringo gwobutegyeki. Omu (Kush 2:10) nitushoma sitane erikuteeka abantu omubihome. Sitane aha kikaba nikimanyisa abarooma ababaire nibata abikiriza omubihome.
Ekibi kyomuntu nikisho bororwa nkokutaana ne kiragiro kya Ruhanga. (1 Yoh 3:4). Omubwiire bwa hati obuturimu, nohurira Ensi zabaharabu nka Iran, Iraq nezindi nizeeta America sitane ahabwokugira ngu America nizigitwaara nkomuzigu waazo. Eki nikitworeeka oku ekigambo sitane kirikukozesibwa omuri Baibuli. Tureka kureeba akantu kamwe tukakagyendaho tutabandize kushooma eshuura yoona kwetegyereza. Twaaza kwetegyereza gye amakuru gekigambo sitane, tushemerire kubanza twayetegyereza Baibuli yoona okukirikutwazibwa.
6.3 EMIZIMU
Ebitwaheza kushoma, byatworeka ngu sitane timuntu wobushoborozi ori okwe ningashi tikikooko kyamaani ekiriho. Twaaba nitubaasa kugira ngu sitane teriho reeru tushemeriire kwikiriza ngu Emizimu eyi bingi barikigira ngu nabahereza ba sitane nayo teriho. Bingi nibagira ngu ebirungi byoona nibiruga ahari Ruhunaga, kandi ngu ebibi byoona biruga ahari sitane. Biabuli netugira ngu oine amaani ni Ruhanga wenka.
- Ninkora omushana kandi nkora omwirima, ndeeta obusingye kandi ngaruka ndeeta akatabanguko (Isa 45:7). Ekisiraani kikaruga ahari Ruhanga kyaaza aha muryango gwa Yerusalemu (Mak 1:12).
- Shoma (Amons 3:6) Nahabwekyo twatunga okukyemwa, tumanye ngu kwaruga ahari Ruhanga, atari sitane ninga emizimu, Yubu nomuntu owasisikarirwe ebintu bye bingi kwonka omukugamba kwe, akagira ati Ruhanga akampa mbwenu yanyaka. Taragizire ati sitane akampa ninga emizimu akampa mbwenu yanyaka. (Yubu 1:21) (Yub 2:10).
Twamara kumanya ngu buri kimwe kyoona nikiruga ahari Ruhanga, nitugira omugisha gwokumushaba kubitwihaho. Kandi nabwo yaaba atabitwihireho, naaba nayenda ngu bitwonibekye, kandi bitwegyese ahabwoburungi bwitu.
Ruhanga, obukomooko bwa maani goona.
- Ninye Ruhanga nyenka tihariho ndijo nkanye. (Isa 45:5) (Isa 44:8)
- Mukama ni Ruhanga (Bir 4:35). Ruhanga ni Ruhanga atarekwenda kugyeragyeranisibwa. (Kur 20:5) (Bir 4:24) Ruhanga nagira ekiniga abantu be batandika kuramya baruhanga abandi abubekoriire. Enshobi mpango eyi abisirayiri bakozire noku ramya ba ruhanga abandi bakareka Ruhanga waabo owabaihire omubuhuuku.
EMIZIMU NIZA BAHARI.
Omubaruha ya Paulo eyokubanza eyiyahandikire Abakorinso, nagira ngu abantu barekye kuramya ebishushani. Abantu bakaba nibagira ngu emizimu ningashi Bahari ni baruhanga abakye abarikubaasa kuyamba okwiiha ebisiraani aha muntu. Bamwe bakaba batwiija batamba ebitambo ahari za bahari ezo. Paulo nagira ngu zabahari tiziine mugasho. (1 Kor 10:20,28) ( 1 Kor 8:4) Ruhanga nomwe wenka tihariho baruhanga abandi emizimu teyine Mugasho (Ebyak 17:16-18) Athens netauni eyabaire ehairwe zabahari batarikumanya Ruhanga. Paulo akazayo yaburira engiri. Akababurira ahari Yesu nokuzooka kwaonka bo bagira ngu Yesu nomuzimu ningashi bahari nsya eyi Paulo arikugyezaho kubagambira. Paulo akongyera yabagira ngu Bahari narishi emizimu teriho.
EMIZIMU OMUNDAGAANO ENKURU
Omundagaano enkuru, nikigabwa ngu ekibonerezo kyaabo ababaire nibaramya za Bahari, kikaba kiri okugwa Iraro reeba (Bir 28:22-28, 59-61). Emizimu abantu bakaba bagira ngu aine akakwaate nendwaara. Nitushoma oku Yesu yabaire nabinga emizimu, nitureeba oku abantu babaire bagira emizimu kwonka kitari kugira ngu emizimu nereeta oburwire. (Bir 32:17) (Zab 106:37) Abo abarikuramya Baal ninga emizimu, nibaramya ebikorwa byaabo, ningashi ebitekateeko byabo. Ruhanga tarikwenda abantu be kuramya za baal Bir 32:15-24 okuramya zabahari nikyoreka okubura okwikiriza omuri Ruhanga.
Ekigambo emizimu (Demons) nikyorekwa emirundi ena yooka omurndagaano enkuru, kwonka emirundi mingi omundagaano ensya namunonga omu ngiri. Endwara eyabaire abaho etari kwetegyrezibwa, bakaba bagira ngu neeba yareetwa emizimu. Okugira ngu emizimu ekaba eihibwa omu muntu, kikaba kimanyisa ngu omuntu akaba atambirwa endwara ye. Shoma (1 Sam 16:14, 18:10) (Mat 8:16,17). Yezu kuyaizire akagira ngu emizimu teine mugasho, abantu bagira ngu Yesu akaba agwiire iraro ngu kandi aine omuzimu. Yoh 10:20, 7:19-20, 8:52). Bo Bakaba bikiriza ngu emizimu niyo erikureeta eiraro.
Abantu ababaire baine emizimu kubabaire batambirwa bakira (Mak 5:15, Luk 8:835) eki nikyoreka ngu omuntu owabiare aba aine omuzimu akaba aba ari omurwire.
- Okugira omuzimu kukaba kuri okugira oburwire. (Mat 4:24, 12:22, 17:18).
- Luk 10:9 Yesu akagambira abegyesibwa be 70 kugyeda kutamba endwaraara kubagarukire bagira ngu nemizimu ekatambwa-(Ebyak 3:6, 9:34).
Nikigambwa ngu Yesu akazarwa 25-12 kwonka eki tikwo kiri. Ira bakaba bakozesa eizooba kumanyisa ekindi kintu. Ekyokureberaho Sunday rikaba riri izooba ryokuramy izooba, (Saturday) ningashi orwamukaga riri izooba ryokuramya Saturn, (Monday) ninga orwokubanza rikaba riri izooba ryokuramizaho okweezi nebindi. Kwonka okukozesa amazooba aga, tikirikumanyisa ngu nituramya ebyo ebyakare ebitahikire. Oru norurimi orurikukoresibwa obwahati. Shoma (Dan 4:19, Mat 23:9) yongyera oshome (Ezra 36:12, 14) (Yub 7:12, Amos 9:3, Yer 5:22, Zab 89:9, Hab 3:10, Mat 14:24, Mak 4:37, Isa 51:9, Yub 26:13, Isa 27:1- Abafarisaayo bakagira ngu Yesu akaba nakora ebyokutangaza arikukoresa Belzebub (Mat 12: 27) (2 Bag 1:2). Yesu yabagira ati kunaabe nikoresa Belzabub kandi abaana banyu bo nibakoresa oha. Beelzabub akaba ari ruhanga womuzimu waba Philistiya
- (Ebyak 16:16-18) Luka owahandikire ebi haine ebyarikugamba ebikwatiriine nenjoka eyabire neyetwa ruhanga.
- Tito 1:12, Byak 17:22, 23)
- (Ebyak 28:3-6) neyoreka oku enjoka yakwasire Paulo akaba ari omwiisi kwonka Paulo we akakora ekyokutangaza enjoka yamurugaho etamurumire.
- Shoma Luk 5:21
- Luk 5:32, Luk 19:20-23, Ebyak 5;3, Yub 2:4 Bir 23:18 Mat 9:12,13, Yoh 8:37, Yoh 8:39-44
- (Yoh 8:48, 49) (Yoh 4:22) (Yoh 5:18) (Yoh 5:4)
- (2 Pet 2:4) Petero aha nagamba oku abaasiisi bakuza omu kituuro narishi gehenna. Ogu gukaba nigumanywa nkomwanya oguri okuzimu omubi munonga. Kwonka Petero we nagira ngu “Hell” gehenna nakamanyiso kokuhwerekyezibwa kwaabo abasiisi.
Endwaara enyingi eza bantu babaire bagira ngu nizireetwa emizimu, hati nizitambwa emibazi nkomushwija hati nigutambwa Quinine, Chroloquine nendijo mibazi. Endwaara ezi Yesu yabaire atamba nke nsimbo, na “tetanus” hati hariho emibazi erikuzitamba. Kwonka tikugira ngu endwaara ezo nizireetwa ninga zikaba nizireetwa emizimu.
Abafumu aba ebibarikukora nibakira kubikorera omu bwesherekye kandi kuri nogira ngu ebibakukora namazima, bakabaire nibakorera omumarwariro kandi bari omunsi yoona. (Bir 13:1-3) Abafumu aba tibarikwikiriza ebya Ruhanga, nahabwekyo titushemerire kugira ngu baine amaani. (Rom 13:1, 1 Kor 8:4-6). Ekyakabiri Hati nitukoresa kimwe kigaana kyamagyezi gaitu ninga obwongo bwaitu ebindi ebicweeka kyenda namwenda, nituza kubikozesa omubukama bwa Ruhanga Yesu yamara kugaruka. Ebibi nebirungi byoona nibiruga ahari Ruhanga hatari Bafumu. Isa 45:5-7, Mika 1:12, Amos 3:6, Kur 4:11, Yub 5:18.
Ni Ruhanga wenka owutushemereire kushaba twaaba turi omuburemezi. Kuturikuza omubafumu nituba twaaza omubintu byomwirima ebitiine mugasho kandi niwe wenka oine amaani. Ruhanga akaruga aha ba Isirayiri bamara kuza omubintu ebyo ebyabafumu (Bir 32:16-24). Nahabwekyo naitwe tutushemereire kukwatanisa naabo abari kwikiriza omubyabafumu. Nibuzare ki obu omwirima gwiine nomushana? Nibuzaare ki obu Hekaru ya Mukama eine negyo eya Bahari ninga emizimu? (2 Kor 6:14-17) Ekyokreberaho omuntu yamara kuferwa omuntu we, nabaasa kuza owo mufumu arikwenda kugamba narishi kureeba omuntu we. Emirundi emingi omufum nagira omuntu ogwo ahumize deru ebitekyerezo abite aha muntu ogwe owafiire – hamara kukorwa ekyo, omufumu nashoma ebitekyerezo byomuntu ogwo reru amubeiha. Omuntu yaafa nafa takubaasa kuguma ahuriire nahabwekyo tihaine oku omuntu yakuguma ahuriire. Nabo ababaire nibaroterera Pharaho bakaba babanza bashoma ebitekateeko bya Pharoho reru babona kumugambira. (Shoma Kub22:6) Oreebe ebya Balak na Balaam. Okuza omubafumu nikiba nikmanyisa ngu tutwiine kwikiriza kwoona omuri Ruhanga owatuhangire. Abafumu Paulo nabweeta ebikorwa byomubiri (Gal 5:19-21). Abafumu boona ebemiringo yoona tibariza mubukama bwa Ruhunga (Gal 5:19-21) (Kur 22:18) (Bir 18:10,11)
- Shoma Isam 15;23, Bir 32:16-19, Bir 18:9-14, 2 Tesa 2:10-17,
Kut. 3:4-5: “Enjoka ekagira omukazi eti Torikuza kufa ahakuba Ruhanga tarikuza kumanya eizooba narishi ekiwakora. Kandi amaisho gawe nigaza kureeba obe nka Ruhanga omanye ekibi nekirungi”
Eki nikyetegyerezibwa kubi okugira ngu enjoka egi erukugambwa, akaba ari malaika owasisire omwiguru erikweetwa sitane. Nibagira ngu kuyasisire bamunaga omunsi yaruga omwiguru. Kuyahikire omunsi nikwo kukyema Eve ngu ashiise.
(1) Eshuura egi negamba enjoka, kwonka terikugamba sitane. Ekigambo sitane tihane eyikirikushangwa omundagano enkuru yoona.
(2) Enjoka tihaine aherikugambwa ngu ekaba eri malaiaka
(3) Omkitabo kyokutandika kyoona tihaine eyitukushoma ngu Malaika, akanagwa omunsi kuruga ahiguru.
(4) Ekibi nikireeta okufa (Rom 6:23) Bamalaika tibarikufa (Luk 20:35-36) nahabwekyo Bamalaika tibarikushiisha.
(5) Shoma (2 Kor 11, 3) (Kut 3:14)
(6) Adam aketomboitira Eve, Eve nawe yagira ati enjoka niyo yabeihabeiha. (Kut 3:12) (Kut 3:13).
(7) Enjoka hati teyine Magyezi nkaago agenjoka ya Eden Enjoka ya Eden ekaba eine amagyezi maingi munonga kukira enyamaiswa zoona (Kut 3:1) kwonka kuyakyenirwe amagyezi gagihwaho.
(8) Shoma: (Kut 3:1) (Rom 5:12) (Kut 3) (Kub 21:8)
(1) Enjoka ya Eden ekaba eri enjoka. Okureeba enjoka hati neyekurira hansi, nikikirizana nokukyeenwa kwaayo (Kut 3:14). Adamu na Eva nabo bakaba bari omushaija nomukazi bitu tikindi kintu nkoku abandi bantu barikugira. Kandi emikyeeno yatiirwe ahari Adam na Eva niyo turikureeba hati.
(2) Shoma emishororongo egi (Mat 19:5-6) (1 Tim 2:13-14) (2 Kor 11:3)
(3) Enjoka okukyeenwa ekakuriza enda nikyoreka ngu obwiire obwo ekaba eine amaguru kandi eine amagyezi mingi okukurata aha muntu. Okureeba ngu ekaba nebaasa kubihabiha omuntu, nikyoreka ngu ekaba eine amagyezi minig (Kut 3:14) (Kut 3;1,14)
OKWETEGYEREZA 19
RUSAFERI
Isa 14:12-14 – washoma eshuura egi Bingi nibagira ngu Lusaferi akaba ari Malaika Mukama wa Bamalaika, ngu akashiisha omubwiire bwa Adam reeru Ruhanga yamusindika omunsi ahaari nabonabonesa abantu ba Ruhanga.
Okuhakanisa:
1. Ekigambo sitane tihaine eyikirikushangwa omushuura egi Omubaibuli ekigambo Lusafeeri nikishangwa omushuura egi yoonka.
2. Eshuura egi 14 ahabweenki nerinda emyaaka 3000 ebone kutugambira ebyabaire omuri Eden.
3. Shoma (Isa 14:11,16,)
4. Ahabwenki Lusafeeri nafubirwa okugira ngu naza kuza omwiguru, ku araabe yabiire ariyo.
5. Bamalaika tibarikufa, ahabwenki nibagira ngu Lusafeeri naza kujundira omu kituuro ku araabe yabiire ari Malaika. (Luk 20:25-36)
6. Lusafeeri nayorekyerera omuntu ondiijo kwonka Atari Malaika (2 Tes 2:3-4)
- Ogu Lusafeeri akaba ari omukama wa Babirooni nahabweekyo Lusafeeri akaba ari omuntu Atari Malaika (Isa 14:4).
- Shoma (Yer 51:53) (Yer 51:9)
- Lusafeeri nkekigambo, nikimanyisa enyonyozi yakasheeshe erikukizayo kwaka bamwe bakaba bagyeeta “Venus”. Enyonyozi egyo nemanyisa omukama wa Babirooni. (Dan 4) (Ezra 32:7) (Dan 8:10) (Yub 20:6) (Yer 51:53) (Dan 4:8-16).
OKUGYEZESIBWA KWA YESU
Mat 4: 1-11 Yesu akatwarwa omwihamba yasiiba kumara ebiro Makumi ana. Kuyagizire enjara “Sitane” ya mukyema eti kworaabe ori omwaana wa Ruhanga, gambira amabaare aga gahundikemu emigaati kwonka Yesu yagira ati omuntu tarikubaho ahabwe migati yonka kwonka ahabweekigambo kya Ruhanga.
- Sitane akongyera yamutwara ahamutwe gwa Hekaru yamugira ati waba ori omwaana wa Ruhanga Guruka ogwe ahansi, Bamalaika ba Mukama nibaza kukwakiira toragwe hansi. Yesu yagira ati kikahandikwa ngu toshemerire kuta Ruhanga mukama waawe ahakumugyezesa.
- Sitane akongyera yamutwara aha Rushozi ruringwa yamugira ngu yateeka amaju ahansi akamuramya, naza kumuha obutegyeki bwensi yoona eyarikureeba. Yesu yamugira ati kikahandikwa ngu oramye Ruhanga Mukama wawe wenka, kandi obe niwe wahereza.
- Bingi nibagira ngu sitane nkomuntu akija yagamba na Yesu yamukyema arikwenda ngu omwihe ahari Ruhanga Ishe.
1. Yesu akaba ari omuntu nkitwe (Heb 4:15). Omuntu weena nakyemwa kwonka tikugira ngu sitane naba ari aharubaju rwe arikugira ati kora eki, ngaaha nibiba biri ebiteekateko bwo muntu (Yak 1:14) (Mak 7:21).
2. Nikigambwa ngu Yesu akatwarwa aha rushozi ruringwa yayorekwa ensi yoona. Tihariho rushozi oru omuntu yakubaasa kuzaho akareeba ensi yoona. (Mat 4:8) (Luk 4:5) (Luk 4:13).
3. Okuhindura emabaare emigaati nikibaasa kuba kyabaire ekiteekateko kye ahakuba Yesu akaba ari omuntu nkiitwe, okumara ebiro ebyo byoona atarikurya nabaasa kuba yagizire ekitekateeko nkomuntu (1 Sam 30:12) (Mat 7:9)
- Sitane ku arabe ari aho ngu nomuntu orikuhakanisa Ruhanga. Ahabwenki Yesu yabaire nayeyijusya ebyahandikirwe buri kugira ekitekateeko ekyo? (Zab 119:11). Ebi bikaba biri ebitekyerezo bya Yesu omwihamba.
- Yesu kuyamazire kubatizibwa omumugyera Yoludani nubwe yatwarwa omwihamba – Yesu akahebwa omwoyo orikweera (Mat 3:16).
- Shoma ebi (Ezra 40:2) (Kush 21:10)(Luk 4:5) (Kush 11:15) (Dan 4:17, 25, 32) (Yoh 5:26, 27) (Yoh 10:18) (Mat 28:18)
- Ebitekateeko nkeebi bikagirwa Musa hamwe na Elija kwonka bakaremwa nkabantu (1Bag 19:8). Shoma (Luk 4:3, 3:23) (Yoh 9:29) (Mat 1:1, 16) (Luk 3:23). Yesu okwehamya akijuka ebyahandikirwe omukitabo kyebiragiro. Ekikwatiriine nabisirayiri obu babaire bari omwihamba.
|
Ekyebiragiro 8 |
Matayo 4/Luka 4 |
|
Ruhanga akebebembera abaana be omwihamba emyaka 40 (8:2) |
Omwooyo orikweera akatwaara Yesu omwihamba ebiro 40 Yesu akasingura Zab 119:11 |
|
Akabonabona yitwa enjara kwonka yagira ngu omuntu takubaho ahabwe migaati yoonka bitu ekigambo kya Ruhanga (Bir 8:3) |
Yoh 6 Yesu nagira ngu “Manna” kikaba kiri ekigambo kya Ruhanga. - Omuntu nabaasa kubaho ahabwekigambo kya Ruhanga. |
|
Nkomuzaire okwahana omwana we na Ruhanga nikwe yahanire itwe V.5 |
Ruhanga akahana omwana we Yesu (2 Sam 7:14) (Zab 89:32) |
OKWETEGYEREZA 21
Kush 12:7-9- Eshuura egi neyoreka nkomwiguru okuhabaireyo orutaro. Reru sitane akasingurwa akaija omunsi kubonabonesa abantu ngu hariho nabamalaika be abizire na sitane. Bingi nibagira ngu eki nikyoreka ngu omwiguru hakabayo akediimo.
1. Bamalaika tibarikushisha ahakuba bari omukishushani kya Ruhanga. Ekibi nikiruga omuriitwe hatari heeru yitwe. (Mak 7:20-23).
2. Enjoka ekakorwa Ruhanga aha omunsi omwiiju Kut 1:24-25 sitane tararugire mwiguru akaza omunjoka.
3. Tihariho nomwe orikubaasa kumpakanisa (Bir 32:39).
4. Shoma Isa 14:12, Yer 51:53 Mat 11:23.
5. Tihaine ahukirikworekwa obu eki kyabaho oba enyima ninga omumaisho gabyabireho omu Eden (Kush 1:1, 4:1)\
6. Sitane egi nibagira ngu ekaba eine emitwe mushanju namahembe ikumi (Kush 12:9) (1 Kor 15:56)
7. Tihaine sitane oku yakubihiire ensi yoona ahakuba omunsi tihaine owabaire arimu enyima ya Adamu. V.9
8. Shoma (Kush 12:1) Haruho ebindi ebigumire kwikiriza nkokugira ngu omukazi akaba ajwiire nizooba kandi okweezi kuri ahansi yebigyere bye (Kush 12:5, 6, 7). Aba “Orthodox” bo ebibari kushoborora aha shuura egi, nibyegarukamu kandi nibihabana. Shoma (Kush 17:9, 10) (Kush 12:12)
1. Ebizibu, okubonabona, hamwe nokukyemwa nibiruga nkahi?
2. Ekirikutuma twashiisha nenki?
3. Sitane nenki?
4. Orubaju orundi, sitane nikimanyisa ki?
5. Hariho eyi ekigambo sitane kirikumanyisa omuntu murungi?
6. Sitane nikimanyisa ki nkekigambo omunkozesa yakyo yabantu?
7. Emizimu omundagaano ensya nikimanyisa ki?
8. Enjoka yomumusiri gwa Eden, kikaba kiriki?