EISHOMO 5

OBUKAMA BWA RUHANGA

5.1 OBUKAMA BWA RUHANGA NENKI?

Amashomo gaitu agutumazire, turebire ngu nekigyendererwa kya Ruhanga kuhereza abamwikiriiza amagara gatahwaho. Abahikiriire tibaraaze mwiguru, Yesu wenka niwe yagiire omwiguru. Yesu akaraganisa abakurasibe ngu naija kugaruka aha omunsi kuguma nabo ebiro byoona. (Yoh. 13:23) (Yoh. 14:3). Amagara gatahwaho nituza kugatuga twine emibiri yaitu (Rom 8:11,223). Okujunwa hamwe namagara gatahwaho nituza kubitungira omu bukama bwa Ruhanga, oburiije kuba buri aha omunsi hatari mwiguru (Mat 4:23)

(Gal 3:8)

Amakuru marungi gobukama bwa Ruhanga gakahebwa Aburahamu omu biyaraganisibwe. Nahabwekyo obukama bwa Ruhanga nobwiire obwo obu Yesu araabe ari aha omunsi yamara kugaruka. Hati turi omubukama bwa Bantu Yesu yagaruka naza kwihaho obwabantu atandikye obwa Ruhanga. (Dan 4:1-7)

Yesu nuwe arategyekye omu bukama bwa Ruhanga okushaba turikugira ngu obukama bwawe bwiije nikiza kuba kyahikirira. (Kush 11:15) (Mat 6:10) (Mat 13:11) (Mat 21:25, Luk 15:18, Yoh 3:27). Nkoku Bamalaika barikuhurira Ruhanga omwiguru nana abahikiriiire nukwe barahuriire mukama aha omunsi ahakuba nabo nibaza kuba nibashushana naba Malaika. Luk 20:36 (Abafilipi 3:20) (Zab 103:19-21) okutaaha omubukama bwa Ruhanga Yesu yamara kugaruka, nikyo kirakomye okubonabona hamwe nabyoona ebyamagra gensi egi. (Mat 25:34) (Ebyak 14:22) (Ebyak 20:25) (Ebyak 19:8, 20:25, 28:23, 31) (Ebyak 4:22)

Omukama wa Babirooni Nebukaduneza, akaroota yayenda kemanya amakuru gekirooto kye (Dan 2) (Dan 2:38) ahamuheru akarootororwa ekirooto kye yamanya obukama okuburiije kuba buri. (Dan 2:42). Omukirooto kye akareeba Eibaare ryaija ryateera ebigyere byekibumbe kyagwa, kyahindukamu Orushozi rwijura ensi yoona (Dan 2: 34, 35). Eibaare eryo nirimanyisa Yesu kandi orushozi nobukama bwa Ruhanga. (Mat 21:42) (Ebyak 4:11) (Abefeso 2:20) (1 Pet 2:4-8). Eki nikyoreka ngu obukama bwa Ruhanga nibuza kuba aha omunsi baitu timwiguru. Kubaho Yesu yamara kugaruka Paulo nagira ngu Yesu nubwe aracwere abahuriire nabafiire orubanja. (2 Tim 4:1) (Mica 4:1). Ruhanga owomwinguru naza kutaho obukama bwe obutarihwaho ebiro byoona. (Kush 11:15)

5.2 OBUKAMA BWA RUHANGA HATI TIBURIHO.

Bamwe nibagira ngu obukama bwa Ruhanga buriho hati. Bongyera bagira abikiriza nibo hati bari omubukama bwa Ruhanga. Eki kigweriire kimwe ahakuba Baiburi netugira ngu Yesu niwe ariba omutegyeki. Emibiri yaitu neza kuhindurwa omubukama bwa Ruhanga (1 Kor 15:50) Okukora ebihikire nikyo kiratuyambe aha shaha yahamuheru (1 Pet 1:4,5). Abarikukunda Ruhanga nibo barashemererwe omubukama bwa Ruhanga. (Yok 2:5) ekikuru omuri eki, nokubatizibwa (Mat 4:23) (Gal 3:8, 27-29). Ebi nibyoreka ngu obukama bwa Ruhanga hati tiburiho, (Mat 25:34) (1 Kor 6:9, 10; 15:50) (Gal 5:21,) (Abefeso 5:5).

Yesu okushoborora ahabyobukama bwa Ruhanga akaba akira kukozesa efumu. Shoma Luka 19:11-27 oreebe. Omufumu egyo omuntu owagyenzire kureeta obukama ni Yesu, ahu Yesu yagiire kubwiiha nomwiguru kandi naza kugaruka aha izooba ryokucwerwa orubanja.

Ebi ebirikukurataho nibyongyera kuhamya eki.

Obukama bwa Ruhanga buri omuri iwe

Bamwe nibetegyereza kubi (Luk 17:21) erikugira ngu obukama bwa Ruhanga buri omuri imwe. Aha Yesu akaba nagambira abafarisaayo, aba bakaba batari bikiriza. Obukama bwa Ruhanga bukaba butarikumanywa omumitima yaabo;

(Mak 11:9,10) (Mat 3:2,3) (Luk 17:20-24) Abayudaaya bo bakaba nibagira ngu Masiya naaza kwija nkomukama wamaani munonga. Yesu akiija ari omuntu wahansi munonga tibayikiriza ngu niwe Masiya. Yesu nikwo kubagira ati obukama bwa Ruhanga buri naimwe (Luk 17:20-21).

 

5.3 OBUKAMA BWA RUHANGA IRA

Obukama bwa Ruhanga nikyo kihembo ekirahebwe abikiriza. Obukama bwa Ruhanga bukabaho ira nani ihanga rya Isirayiri. Obukama bwa Ruhanga nibuza kugarukaho Yesu yamara kugaruka. Ruhanga emirundi mingi nayetwa omukama wabo (Isa 44:6), (43:15), (Zab 48:2) (Zab 89:18)

Okuraba omu ihamba Ruhanga nuwe yabaire ari omukama waabo. Kubahikire omuri Kanaani Ruhanga akataho abaramuzi nka Gideon, Samson nabandi. Aba bakaba bategyeka omwiziina rya Ruhanga. Abisirayiri kubashabire Gideon ngu abe omukama waabo, Gideon akagira ngu omukama waabo ni Ruhanga, ngu we takubaasa kuba omukama waabo. (Yuda 8:23).

Omuramuzi wahamuheru wabi isirayiri, akaba nayetwa Samwiiri abisirayiri bakashaba ngu nibenda omwebembezi bashusha nagandi mahanga agabiire gabebembire. (Isam 8:5,6) Ruhanga akagira Samwiri ati, banyanga ngu nibenda omukama! (Sam 8:7) Ruhanga akakiriza yabaha omwebembezi owubabaire nibenda. Ruhanga akabanza kubaha Saulo kwonka Saulo ebiyakozire bikaba bibi munonga, bikaba bitarikuhaisa mukama ekitinisa. Nabwanyima hakurataho Daudi, we Daudi akakuratira Ruhanga. Hakakurataho abebembezi bingi. Bamwe bakakuratira Ruhanga abandi bakora ebitahikire. Shoma (2 Chron 9:8, 28:5, 29:23) Oreebe ebyomukama Sulumaani (Mat 27:37, 42) (Yoh 1:49, 12:13) Nka Sulumaani oku yayombekire Hekaru ya Mukama na Yesu nukwe arayombekye obukama bwa Ruhanaga.

Ezra 40-48

 

- Obushweere:-

Sulumaani akatandika gye kwonka, akashweera abakazi bingi bengada ezindi bakamwiiha ahari Ruhanga. Ruhanga akanga Sulumaani ahabwebibi bye. (1 Bag 11:1-11)

Sulumaani akatandika kuramya za Baal za bakazi be ezibabaire nibaramya; yaruga ahari Ruhanga. (Kur 34:12-16) (Yosh 23:12,13) (Ber 7:3).

Kutirikubatizibwa omuri Yesu, tuba abisirayiri ba Ruhanga, nahabwekyo okushweera aheru yoruganda rwabisirayiri kikaba kitahikire. (1 Kor 7:39). Twaaba twine narishi tushweriine nabenganda ezindi ahakubatizibwa tutushemerire kutaana nabo (1 Kor 7:112-14) (1 Bag 11:2) (Kur 34:16).

Shoma (Kut 24:3,4) (Kut 28:1) (Ezra 9:12) (Neh 10:29, 30).

 

Ruhanga akucwa orubanja

Sulumaani kuyasisire, Ruhanga tikyamushemeza, nikwo Isiranyiri yayebaganisamu ebicweeka Bibiri.

Ekicweeka kimwe kikaba kirimu enganda ibiri kyayetwa Yuda. Kandi ekindi kyagira enganda 10 kyayetwa Isirayiri. Bingi abantu bomubicweeka byombi bakakurata emize mibi ya Sulumaani nabwanyima baija batwaarwa omubuhuku omumahanga agabaherire (Nehemiya 9:30). Abagabe baingi bategyekire bakashiisha tibakuratira Ruhanga nka Yerobowamu, Ahab, Jehoahaz nabandi bakaruga ahari Ruhanga batandika kuramya za Bahari. Omukama wa Isirayiri owa hamuheru akaba nayetwa Hoshea. Omubwiire bwe, ensi eyabaire neyetwa Siriya akaija yatwara abisirayiri omubuhukku. (2 Bag 17)

Enganda ibiri eza Yuda, bamwe ahabakama baryo bakakuratira Ruhanga. Nka Hezekiya hamwe na Josiah. Kwonka abandi bakakora ebitahikire. Eki kikaretera Ruhanga yesharamu omu bwiire bwomugabe Zedekiya batwaarwa Ihanga ririkweetwa Babirooni omubuhuuku. (2 Bag 25). Bakaguma omubuhuku omuri Babirooni kumara emyaka 70. Bamwe bakagaruka bebembiirwe Ezra na Nehemiya, kuruga obwo tibaragarukire kutunga omugabe ondijo bakaguma barikutegyekwa aba Babirooni, abaguriika hamwe nabarooma.

Yesu akazarwa omubutegyeki bwabarooma. Yesu kubamwangire Abarooma bashanyaho eihanga rya Isirayiri omu mwaaka gwa 70 Yesu amazire kuzarwa. Aba Isirayiri nabwanyima bakatataana omunsi yoona. Hati Juba nubwe batandikire kugaruka omuihanga ryaabo, ekirikworeka ngu buzima Yesu arihakye kugaruka.

Ezekyeri 21:25-27 networeka oku obukama bwa Ruhanga omu Isirayiri bwahendiire.

Shoma ebi (Hos 10:3) (Yer 14:21) (Dan 8:12-14) (Hos 1:4) (Luk 1:32,33).

 

 

OKUGARUKAHO KWA ISIRAYIRI

Banabi bingi omundagaano eyiira nibagira ngu obukama bwa Ruhanga nibuza kugaruka na Yesu. Ezekyeri 2:27. Yesu kuya buziibwe yikiriza ngu naaza kugaruka. Ebyak 1 :6-11, Ebyak 3:20,21, (Luk 1:32,33), (Amos 9:11), (Yer 30:20), (Zecharia 2:12), (Isa 2:2-4), (Ezra 35:9-10), (Yer 33:7-13)

 

5.4 OBUKAMA BWA RUHANGA OMUMAISHO

Aburahamu Ruhanga akamuranganisa ngu omu mwijukuru Yesu abantu boona barahebwa omugisha. (Rom 4:13) (Zab 72:8) obukama bwa Ruhanga tiburikuza kuba Yerusalemu honka ninga Isirayiri yonka, kureka Yerusalemu ekitebe kikuru kyobukama niyo kiraije kuba kiri. Abo boona abamwikiriize barategyeka nawe. (Kush 2:27;2) (Tim 2:12) (Isa 32:1) (Zab 45:16) Yesu naza kushutama Yerusalemu omukitebe kya Daudi. Yerusalemu nikyo kiraabe ekitebe kikuru kyobukama bwa Ruhanga. (Luk 1:32, 33), (Ezra 40:48). Abantu boona barahimbisa mukama omumyanya yoona. (Malachi 1:11), (Zak 14:16), (Isa 2:2,3), (Dan 2:35,44).

Ekizibu ekiriho hati, abantu nibahimbisa Ruhanga aha bwenshonga nyingi nebyobutegyeki, ebyobuhangwa nebindi. Kwonka omubukama bwa Ruhanga buri omwe weena araaba nayenda ngu amanye Ruhanga nka Ruhanga. Abantu boona bararuga omushonda zensi yoona baze Yerusalemu, kumanya kandi baketegyereza Ruhanga.

Amahanga goona garaaza Yerusalemu kuhimbisa Mukama. (Isa 60:55) (Zak 8:20-23) (Zak 14:16) Haraba hariho Rukundo nyingi munonga. Omushega gurarya netaama kandi abaana oshangye nibazaana nenjoka. (Isa 65:25) (Isa 11:6-8)

 

5.5 EMYAAKA RUKUMI (MILLENNIUM)

Abantu omubukama bwa Ruhanga nibaija kuba nibazaara (Isa 65:23) nibafa (Isa 65:20) nibaza kuumizamu bibagira ne mishango eraramurwe Yesu (Isa 2:4) kandi nibaza kuba nibahinga emisiri kubaho. Kwonka eki nikiza kuba kyorobi munonga. Kutukureeba eki kitaana aha kikugira ngu abikiriza nibaza kutunga amagara gatahwaho bashushane nabamalaika abari omu kushushani kya Ruhanga. (Luk 20:35,36) Eki kiri ngu obukama bwa Ruhanga bwokubanza nibuza kumara emyaka rukumi (Millennium) nabwanyima omunsi haraaba harimu ebicweeka bibiri byabantu.

  1. Abikiriza – aba nibo abakuratire mukama omumagara gaabo gensi egi. Ababaire bashemerire kutunga amagara gatahwaho aha kucweerwa orubanja.
  2. Abo abataramanyire Ruhanga abataramanyire makuru marugi ahakugaruka kwa Yesu.

Ekicweeka kyokubanza kyo ekyabikiriza kyo nikiza kuba kitakukora ebyo ebyagambwa nkokuzaara, okufa nebindi kwonka ekicweeka ekyakabiri nikyo kiraabe kiri omuri ebyo. Abikiriza nibaza kuba bari abategyeki kandi abashomesa ahari abo abataramanyire bya Ruhanga. (Kush 5:10). Abo boona abarashangwe bakihurire ahakugaruka kwa Yesu, nibaza kuba nibategyekwa abikiriza (Kush 2:26, 27). Enfumu ya Yesu eyiyagambire omu (Luk 19:12-19) neza kuhikirira. Abantu boona nibaza kuza Yerusalemu kumanya bingi ebikwatiriine na Ruhanga. (Isa 2:2,3) yongyera oshome (Dan 2:35, 44). Obu Isirayiri yabaire eri obukama bwa Ruhanga abwa kare, omurimo gwa bebembezi be kanisa gukaba guri okushomesa abantu nahabwekyo nahati Yesu yagaruka, abbikiriza nibaza kuba nibashomesa abantu abaraabe bakiriho (Mal 2:5-7) (Kush 5:10)

 

YESU YAMARA KWIJA HATI, NIHABAHO KI?

  1. Abakuratiire, bakamanya ebya Ruhanga nibazoorwa hamwe nabikiriza abakihurire nibatwarwa ahakitebe Yerusalemu, kucweerwa orubanja.
  2. Abasiisi nibaza kufibirwa nokufa, namahanga ago agatarikiriize Yesu nigaza kuhwerekyezibwa.
  3. Abikiriza nibaza kutegyeka abo abataramanyire Ruhanga, nibaza kuba nibabashomesa amakuru marungi (Kush 5;10).
  4. Eki nikiza kumara emyaaka Rukumi (1000). Boona nibaza kumanya engiri kandi bamanye Ruhanga kandi batuure emyaaka mingi.
  5. Bwanyima yemyaka Rukumi, nihaza kubaho akendiimo ahari Yesu nabikiriza kwonka Ruhanga aije akashenyegure (Kush 20:8,9).
  6. Bwanyima yemyaka Rukumi, boona abafiire omubwire obwo nibaza kuzoorwa bacweerwe orubanja. (Kush 20: 5, 11-15)
  7. Abasiisi nibaza kuhwerekyezibwa kandi abahikirire boona batunge amagara gatahwaho.

Ekigyendererwa kya Ruhanga nensi nikiza kuba kyahikirira ensi neza kwijura abahikirire bonka kandi batari kufa. Omu myaka Rukumi, Yesu naza kuta abazigu boona ba Ruhanga ahansi. Omuzigu orahererukye kumarwaho nokufa. Nabwanyima buri mutu weena arateebwa omukishushani kya Ruhanga boona babe nka Ruhanga (1 Kor 15:25-28).

Bwanyima yemyaka Rukumi Yesu naza kuhereza obukama bwe ahari Ruhanga (1Kor 15:24) Ekirakurateho obukama bwamara kuza omumikono ya Ruhanga, titurikukimanya. Ekiturikumanya nokugira ngu nituza kutunga amagara gatahwaho kandi tutuure turikuhimbisa Ruhanga. Ruhanga nayenda ngu tweena tuze omubukama bwe. Ebi byoona bikatebwaho ahabwaitu. Okubatizibwa nikutwiriza haihi neebi. Ruhanga yaba ariho ababwaitu noha arikubaasa kututeganisa? (Rom 8:31), (Rom 8:18) (2 Kor 4:17)

 

OKWETEGYEREZA 15

AMAZIIMA GOBUKAMA BWA RUHANGA

Bamwe nibagira ngu ebyahandikirwe ebyobukama bwa Ruhanga nembozi kwonka abarekutwaza batyo, nabatarikwikiriza narishi abazigu ba Baibuli. Ruhanga aine ekigyendererwa nensi ye. Ruhanga takwija kuhwerekyereza ensi. Endagano yiyakozire na Abrahamu ngu omwijukuru Yesu naza kutegyeka ensi ebiro nebiro namazima aguturikushanga omu Baibuli. Ebi nibyongyera kuhamya

eki (Isa 54:18), (Mub 1:4), (Zab 148:6) "Millennium" emyaka Rukumi negambwa omu ba (Heburayo 4:4-9) nka izooba ryokuhumura (2 Pet 3:8). Tweena tushemerire kumanya ngu obwire buriyo nibuhwayo Yesu ari haihi kugaruka, tushemerire kwetekateeka.

 

OKWETEGYEREZA 16

EBYAFAAYO BYA ISIRAYIRI OMU BUFUNZE

Abrahamu - Aketwa Ruhanga kuruga omutauni ya UR omuyudaya wokubanza, Ruhanga akakora endagaano na Abrahamu erikuwaata aha ihanga rya Kanani hamwe na Omwejukuru Yesu Kristo. Abrahamu akafa atakatungire biyaraganisibwe.

Isaac – Akaba naza kuhebwayo nkekitaambo ahakuba ishe Aburahamu akaba ari omuwikiriza (Kut 26:3-5)

Yakobo – Ogu Akaba ari mutabani wa Isaac akaba aine abaana 12, Raubeni akaba ari omukuru kandi Benjamini ari omuto, Levi oruganda rwe nurwe rurigwamu ba "Preists" Abashomesa be Kanisa. Yosefu nuwe yabaire nakundwa.

Yesefu – Akagunga ebirooto bibiri bakuru be bakamuguza omubuhuuku omu Misiri. Hakabaho ifa Yakobo nabatabani baija kutuura na Yosefu omuri Misiri. Byanyima Faraho akababonabonesa nkabamuku.

Musa – Akazarwa yasherekwa yabonwa muhara wa Faraho. Akabonekyerwa, Ruhanga omu Rushaka rukusya rutakuhwaho. Ruhanga akamutuma kureeta aba Isirayiri kuruga omu buhuku. Akakora ebyokutangaza ebya tumire Faraho yikiriza ngu abisirayiri bagyende.

Okuruga – Abisirayiri bakarugaho barekurwa. Bacwekanisa omugyera gwa yorudani baaza Kanani. Kubahikire aha Rushozi Sinani bahebwa ebiragiro ikumi bahebwa nebiragiro bya Musa. Bakaragirwa kukora ihema erikweetwa "Tabernade" eyi Ruhanga yabaire na ramizibwamu. Bakahebwa nomushomesa (High priest) owabaire naza kuguma naherezayo ebitambo byaabo. Ebi byoona bikaba nibyorekerera ahari Yesu Kristo.

 

Ensi eyaraganisiibwe

Bakarugaho bahika Omunsi Kanaani eyabaraganisibwe. Entasi ikumi nibiri zikoherezibwa kutata. I kumi ahari ezo zikagira ngu kigumire kutaaha omuri Kanaani kwonka ibiri, Joshua na Caleb bo bahamya abantu ngu baysiga Ruhanga, nibaza kuhangura abazigu. Bingi abisirayiri bakafeera omu ihamba, ahabwobutikiriza. Ahakuba boona abo abarugire Misiri bari ahaiguru yemyaka 20 tibarahikire Kanaani.

 

Yoshua (Joshua) – ogu niwe yahungurire Musa akebembera abisirayiri mpaka bahikire Kanaani. Abaramuzi nka Samson, Gedeon na Jephthah bakarwaana munonga obwo barikwesiga mukama, basingura entaro nyingi, Abisirayiri batunga obusingye. Omuramuzi wahamuheru akaba ari Samwiri omubwiire bwe abisirayiri bakacumura bagira ngu Ruhanga abahe Omukama bashushane nensi ezindi ezibehinguririze.

 

Abategyeki (Abagabe) – Omugabe wokubanza akaba nayetwa Saulo we tarkuratiire Ruhang, akakuratirwa Daudi, Daudi we akakuratira Ruhanga, Ruhanga yamukunda yakora nawe Endagaano. Solomani mutabani wa Daudi we akatandika kurugi kwonka kandi yahendera kubi. Kuyamazire kufa ihanga rya Isirayiri ryarugamu ebicweeka bibiri. Isirayiri hamwe na Yuda, abisirayiri bakagumizamu bakushisha Batakukuratira Ruhanga. Ruhanga akohereza ba Nabi bingi kugambira abantu kumugarukira kwonka tibahurira. Aba Assiriya bakija babatwaara omubuhuuku bo aba Yuda bakagiramu abagabe bamwe abakuratiire Ruhanga nka Hezekiya, Asa nabandi kwonka nabwo abantu bakagumizamu bashiisha. Ensi nka Babirooni, Persia ahamuheru Rooma zikaija zabategyeka. Omubutegyeki bwabarooma nubwe Yesu yazarwa. Abantu be abayudaya kubamwangire, Ruhanga yayohereza, Ruhanga yayohereza abarooma bahwerekyeza Yerusalemu omumwaaka gwa 70 Yesu aherize kuzarwa nukwe abisirayiri kubingwa omunsi yabo. Hati abisirayiri nubwe batandikire kkugaruka omunsi yabo mporampora ekirikworeka ngu Yesu arihaihi kwija kureeta obukama bwa Ruhanga – nkoku ebyahandikirwe birikugira.

 

 

EISHOMO RYA 5

EBIBUUZO

1. Obukama bwa Ruhanga nibuza kubaho ryari?

  1. Bwabireho
  2. Yesu yagaruka
  3. Bukabaho aha Pentecoti
  4. Obukama buri omumitima yabantu

2. Obukama bwa Ruhanga bukaba bwabaireho? Kukiraabe kiri ngu engo, bukabaho buta ?

3. Bukahwaho ryari ?

4. Emyaka Rukumi "Millenium" nenki?

  1. Embabazi omumitima yitu
  2. Emyaka 1000 yabikiriza omu iguru
  3. Emyaka 1000 yobutegyeki bwa sitane omunsi
  4. Emyaka 1000 yokubaanza yobutegyeki bwa Yesu aha omunsi yagaruka.

5. Obukama bwa Ruhanga nibuza kuba buri buta?

6. Abikiriza nibaza kukora ki omumyaka Rukumi yokubanza?

  1. Kuba abategyeki baabo abantu abaraabe nibakifa
  2. Kuba aba tegyeki omwiguru
  3. Tuturikumanya
  4. Nibaza kutuura omunsi endijo.

7. Amakuru marungi gobukama bwa Ruhanga gakaburirwa.

  1. Omundagaano ensya yonka
  2. Gakaburirwa Yesu nabegyesibwa be
  3. Omundagaano enkuru hamwe nensya.
  4. Omundagaano enkuru yonka