RUHANGA NOKUFA

 

4:1  ENTWAAZA YOMUNTU

 

nkebishaka okubirikukura omukasheshe, bikakura reeru omumwabazyo bikatemwa bikooma, naitwe nukwe turi.  Musa akareeba ekiyashaba Ruhanga ngu atuhe amagyezi gokubara ebiro byaitu shoma (Yak 4:14;2), (Sam 14:14; Zab 90:5;6), (Zab 90:12).

Baingi abarikwikiririza omuri Yesu, nibagira ngu omuntu kwarikufa, ngu haruho ekintu ahariwe ekirikuza omwiguru ningashi yaba atahikirire kikaza omumwanya gwokubonabona.  Eki kishemerire kuba nikishobororwa kurungirira aha Baiburi ekyerikutugambira baitu ebiriturikwetekatekyera.  Ekishuba kyokubaaza ekyahandikirwe, nekyo ekyabaireho omumusiri gwa Eden Ruhanga akagira ngu omuntu naaza kufa yamara kushiisah (Kut 2:17), (Kut 3:4), (Ikor 15:13-17).  Twaaza kumanya obuhangwa bwaitu, tushemerire kubanza twamanya eki Baibuli erikutugambira ahabikwatirine nokuhangwa kwomuntu.

 

(Kut 2:7; 3:19). Omuntu akozirwe omwiju, turi ibumba (Isa 64:8) (I Kor 15:47) (Yub 34:14, 15; 4:19) kandi omuntu aragaruka omwitaka.  (Kut 18:27), (Kut 3:24, 22)

 

Obutafa – Ekihembo kyokuhikirira nobutafa, eki nikihikirizibwa wamara kukuratira ebiragiro bya mukama.

 

-        Shoma 2 (Tim 1:10; Yoh 1:2)

-        (Yoh 6:53,54), (Yoh 6:47,50,51,57)

-        Ruhanga akatuha amagra agatahwaho, kandi amagara aga gari omumwaana we Yesu Kristo. (1 Yoh 5:11).  Omuri Yesu numwe amagara gatuhwaho gahikiriziibwe. (Ebyak 3:15), (Heb 5:9)

-        Shoma (Rom 2:7-6:23; Yoh 10:28), (1 Kor 15:53) (1Yoh 2:25)

-        Yesu kwatarazokire, abo boona abafiire omuriwe bakaferire kiimwe. (1 Kor 15:18)

-        Shoma (1 Tim 6:16)

 

4.2  OMUBIRI

 

Barungi nibagira ngu haruho ekintu ekiri omumuntu ekitarikufa ekibarikweeta omwooyo, ngu omuntu yamara kufa kyo kiza omwiguru ninga kiguma omunsi kirikuteganisa abantu abaguma hahuriire.  Omubiri nomuntu.  Okugira ngu “Tambira emibiri” (S-0-S) nikimanyisa ngu “tutambire tutafa”! nahabwekyo omubiri nikimanyisa ebintu byoona ebirikukora omuntu.

Baibuli nyingi eziriho hati nizikoresa ekigambo omuntu omumwanya gwo mubiri.  Ebikooko ebi Ruhanga yakozire, ni byetwa ebikooko ebirikugyenda (Moving creatures) (Kut 1:20,21).

Omutaano oguri aha bikooko nabantu, nakugira ngu abantu baine amagyezi maingi kukira ebikooko.  Omuntu akozire omukishushani kya Ruhanga (Kut 1:26).  Ruhanga nayeta abantu ngu bamanye ebyahandikirwe baaba nibenda ngu batafa (Tim 1:10).  Nahabwekyo omumuringo oguturikufamu, tihariho mutaano ahanfa yomutu ne bikooko.  Ebikooko nabantu byoona nibifa bigaruka omwitaka. (Omuburizi 3:19,20) (Omub 3:18).

 

Ruhanga nagyezesa omuntu kumworeka ngu kwe nikekikooko abo abarikukuratira ebi Ruhanga arikwenda, nibo b arireeba amazima ge kwonka abo abagomi baryahwerekyerera. Shoma (Zab 39:5), (Yer 10:23).  Nekyamazima enyamaishwa zoona nizifa, byoona ebintu ebiine amagara nibifa, nohabwekyo omubiri nagwo nigufa tigurikuza hatu ahandi kureka niguza omwitaka. Emishororongo omu Baiburi erikworeka ngu omuntu yaafa nomubiri nigufa, neegi;

-        Omubibiri ogwashishe nigufa (Ezra 18:4).

-        Ruhanga nabaasa kuhwerekyereza omubiri (Mat 10:228) ebikwatirine neki, shoma Ezra 22:27; Efu 6:32 Abareevi 23:30.

-        Emibiri yoona eyabaire eri omutauni ya Hazor ekaitwa Rurara (Hoshua 11:11; of Yashua 10:30-39)

-        Emibiri yoona ekafa (Okush 16:6) (Zab 78:50).

-        Shoma (Kub 9:6), (Zab 89:48

-        Musa akagira ngu omubiri gwoona ogurabure kukuratira ebiragiro, gwitwe (Kub 15:27-31)

-        Omubiri nigubaasa kufa (Efu 18:7, 22:25), (Yub 7:5).

-        Tuharuho nomwe orikubaasa kuguma  ahuriire. (Zab 22:29)

-        Shoma (Isac 53:10, 29)

Omubiri niwe omuntu kwonka tikugira ngu nekintu ekitarikufa ekiri omumuntu.  Shoma ebirikukurataho.

-        Eshagama yomubiri (Yer 2:34)

-        Shoma (Abareevi 5:1-4)

-        Shoma (Kub 21:4)

Weena oratambire amagara ge, naaza kugaferwa kandi orafeerwe amagara ge ahabwangye naaza kugatambirwa (Mak 8:35).  Eki nikyoreka ngu (Soul) omubiri tikintu ekiri omuriitwe.  Omuguriika nikimanyisa omubiriri tushemerire kuhayo amagara gaitu ahari Ruhanga ahakuba niwe yasesire eshagama ye ahamusharaba ahabwaitu ngu tutafa.  (Isa 53:12).

4.3  OMWOYO/AMAANI “OMUMUNTU”

Haruho obutetegyereza bwingi omubantu aha bigambo bibiri.  Omwoyo hamwe nomubiri.  Ebintu byoona ebirikukora omuntu nigwo mubiri kandi nomwisyo narishi omwooyo (Heb 4:12).

Tushomire omwoyo wa Ruhanga omu Ishomo rya 2:1.  Ruhanga nakoresa omwooyo we kurinda obuhangwa bwe, kandi obwe obariremu nomuntu.  Nahabwekyo omwooyo wa Ruhanga ori omumuntu, namaani agarikumuha amagara.  Yakobo nagira ngu omubiri gufiire (Yak 2:26) Ruhanga kuyahuhire omunyindo za  Adamu reeru Adam yaaba omuntu (Kut 2:7).  Yubu nawe nagira ngu amaani ga Mukama gari omunyindo ze (Yub 27:3), (Isa 2:22).  Obwo barikumanyisa omwisyo.  Omwooyo wamagara gaitu natuhebwa aha kuzarwa.  Amaani ga Ruhanga kugarikwihwa omukintu kyoona, nikifa kijunda, nahabwekyo omwooyo wa Ruhanga omumuntu namaani gamagara.  Ruhanga yiiha omwisyo ahabuntu byoona ebihurire, nibifa bigaruka omu itaka.  (Yub 34:14-16) Ruhanga kwarikwiha omwooyo we omumuntu yamara kufa, tikugira ngu omubiri nigwo gurikufa gwonka baitu omuntu weena naba  yaafa nikirungi okufeera omuri Ruhanga okukira okwikiririza omumuntu nkawe. (Zab 146:3-5).

Ahakufa, omubiri nigugaruka omwitaka kandi omwiisyo narishi omwooyo gugaruka owa Ruhanga.  (Omubirizi 12:17).  Ruhanga ari buri hamwe hoona obwo arikurabira omu mwooyo we.  Nahabwekyo Ruhanga nomwooyo (spirit).  (Yoh 4:24) kuturikufa omwooyo wa Ruhanga aturugamu twiisya ogwahamuheru.  Enfa yomuntu  neyebikooko yoona neshushana, byoona byine omwisyo (Mub 3:19), (Mub3:21) shooma emishororongo egi

-        (Kut 2:7:15)

-        (Kut 7:21-23)

-        (Zab 90:5)

Nobu Ruhanga yahaire omuntu omwisyo, omuntu nahika afa, kwonka takufeera kimwe  Yafeera omuri Yesu kandi abatizibwe ahakuba hariyo  okugaruka.

4:4       WAFA NOFA

Kurugirira ahabitwareeba, omuntu kwarikufa afeera kimwe.  Kwonka kandi abo abikiriize bakakuratira Mukama, Ruhanga aryabaijka (Mal 3:16, Kush 20:12, Heb 6:10).  Omubaibuli tiharimu eyiturikugambirwa ngu twaafa haine ekintu omuriitwe ekirikuhamya eki

-        Zab 146:4

-        Abafiire tibaine kibarikumanya Rukundo yaabo, obubi bwaabo hamwe nitima byoona nibihwaho (Mub 9:5,6), (Mub 9:10)

-        Yubu  nagira ngu okufa omuntu nashusha nkoku yabaire atakazairwe. (Yub 10:18-19).

-        Omuntu naafa nkenyamaishwa okuzirikufa. (Mub 3:18)

-        Shoma (Zab 103:14-16)

Okufa nokwaboona, abahikirire hamwe nabasiisi eki Baibuli networeka oku bamwe aha bakurasi ba Mukama nka Hezekiya na Daudi babaire nibashaba Mukama ngu abongyere ebiro ngu baitu bakagumizamu nibahimbisa Mukama.  Ahakuba bakaba n ibareeba ngu baafa mbaba batiine kibarikukora.  Shoma Hezekiya omu (Isa 38:17-19), Daudi omu Zab 6:4,5  30:9  39:13  115:17.  Yub akagira ngu okufa nokugwejegyera (yubu 3:11, 13,17) (Daneri 12:13)

 

Okugira ngu abahikirire baafa nibaza omwiguru tikiri mu Baiburi kandi kigwiire.  Abo abatarakozire ebi Ruhanga arikwenda, bo baafa nibafeera kimwe.  Kwonka abo haruho omasiko gokuzooka.  Bamwe nibagira ngu ohikirire kwarikufa aza omwiguru ngu kandi omusiisi aza omuri gehenna.  Amazima geki tigari mu Baibuli kwihaho nebitekateko byabantu.

(1)   Nibagira ngu aha kufa omuntu natunga ekiconco kye, ngu omwooyo gwe niguza omwiguru narishi omumuriro.

(2)   Ngu abahikirire nabasiisi nibataana aha kufa.

(3)   Ngu ahahikirire bamara kufa nibaza omwiguru

(4)   Ngu haruho ekintu ekiri omumuntu ekitarikufa

(5)   Ngu emibiri emisiisi neza omuri gehenna.

Ebi byoona tibine buhame kuruga omuri Baibuli

4.5  OKUZOOKA

Baiburi netugira ngu ekiconco kyabikiriza nikiza kubahebwa Yesu yamara kugaruka. Yesu yagaruka eki arabanze kukora nokuhimbuura abikiriza abafiire nabwanyima  bakacwerwa orubanja (1 Tes 4:16) Kuri nogira ngu namazima omuntu yafa naza omwiguru, amasiko gokuzooka tigakabaire garuho, kandi Paulo we nagira ngu kuri nogira ngu okuzooka tikuriho, okufayo namaani kukuratira Ruhanga, tikikabaire kiine amakuru. (I Kor 15:32).  Yesu natuhamiza ngu ekiconco kyamagara gatahwaho kirahebwa abahurikirize ebi Yesu arikwenda, ahakuzooka.  (Luk 14:14), Yesu yagaruka naaza kuhindura emibiri yaitu (Phil 3:20,21).  Hati we Yesu aine omubiri.

Kuturazooke, nituza kugira omubiri nkogwa Yesu gutiine shagama.  Abo abafiire kare bahikirire nibaza kuzooka batandike kweshongora. (Isa 26:19) abo abatarakuratiire Mukama bakakora ebihikire, nibaza kufeera kimwe.  Shooma shooma (2 Cor 5:10) (Gal 6:8). 1 Kor 15 hamwe na 1 Kor 15:35.

-  44 Emishororongo egi neshoborora ebikwatiriine nokuzooka – yongyera oshome (Abafiripi 3:21).  Kuturikubatizibwa, tweshushanisa Yesu kandi okuzooka nikwo kumwe okuturitunga Yesu yamara Kugaruka.  (Rom 6:3-5) hati nitubonabona  kwonka okushemererwa nikuza kuba kwingi Yesu yamara kugaruka (2 Kor 4:10).  Nka Yesu okuyazokire naitwe nikwe turizooka.  Shoma (Rom 8:11, 8:23) Ruhanga nahikiriza ebiyagambire akakora endagaano na Aburahamu yamuraganisa ngu aratuura omuri kanaani ebiro byoona.  (Kut 13:17) nahabwekyo Aburahamu naza kuzooka kutunga eki yaraganisiibwe.  (Yubu 19:25-27) (Isa 26:19) Yubu nagira ngu nobu omubiri gwe guraribwe enyogori, aine amasiko ngu eizooba rirahika areebe Ruhanga.  Nikyokimwe eki Isaya yagambire.  Yesu nawe nukwe yagambire obu muywaani we Lazaaro yaafa akagambira banyanya ati turamureeba aha izooba ryokuzooka, kwonka taragizire ati yatemba Omwiguru.  (Yoh 14:23,24) Yesu nayongyera agira ngu weena owayikirize

Omuri Ishe, aramuzoora aha izooba ryahamuheru (Yoh 6:44, 45)

 

 4.6 OKUCWERWA ORUBANJA

 

Okushomesa kwa Baibuli ahabikwatiriine nokucwerwa orubaja, nikikuru munonga ahawokwiriza kumwe eki kishemerire kwetegyerezibwa munonga omuntu wena yaba atakabatizibwe(ebyak 24:25;) (heb 6:2)Ebyahandikirwe nibigamba ahakucweerwa orubanja ekyokureberaho, shoma (2pet 2:9; 3:7;1 yoh 4:17; Jude 6) Eizooba eryo abo abakuratiire mukana, baryahebwa ekiconco kandi boona baryaija omu maisho ga yesu bashoborore okubatwarize omumagara gensi egi (Rom 14:10) (2 kor 5:10).

 

Ebyahandikirwe nibigamba aha kwija kwa yesu (Daneri 7:9-14) yesu obwire obwingi akaba akigamba arikuko zesa efumu.  Ekyokureberaho. shoma (Mat 13:47-49).  Ahakiro kya hamuheru, Bamalaika baraija batanise abahikirire nanabatahikirire.

Abo booona abahairwe engiri baraaza omumwanya gumwe babugane na yesu bacweerwe orubanja reru abahikirire ba tahe omubukama bwa Ruhanga.  Shoma (Luk 1:32, 33) yesu arija ashutame aha kitebe kya Daudi, Abantu hamwe nensi zoona zimwehiguririze, boona arabatanisamu nkomuriisa okwatanisamu embuzi nane entaama.  Embuzi azite aha mukono gwa bumosho kandi entaama azite ahamukono gwaburyo arayeta entaama ati mwiine omugisha imwe; mwiije muze omubukama bwa Ruhanga ohuyabatebekanisize (Mat 28:19) (Mat 25:31-34)

Okuza omu bukama bwa Ruhanga, okashemererewa aha byaraganisibwe Aburahamu nekiconco kyabahikimire eki nikiza kutungwa twamara Kucweerwa orubanja yesu yamara kugaruka.  Nikishobororwa gye emu Baibuli ngu Yesu yamara kugaruka nibwe turatungye ekiconco kya magara gatahwaho kwonka tuturikubaasa kutunga ekicoco ekyo yesu yaba atakaizire.  Obuhame bweeki shoma emishororongo egi erikukurataho.

 

Omuriisa omurungi ku araije, nubwe turatungye ekirunga kyamagara. (1 pet 5:4;1:13)Yesu naaza kucweera orubanja abahuriire hamwe nabafiire (2 Tim 4:1,8)Masiya (yesu) yamara kwiija, abo boona abagwejegiire nibaza kusimuka. Abamwe batunge amagara gatahwaho abandi bagarukye bafeere kimwe (kut 3:19) (Dan 12:2)Abo boona abakozire kurungi, nibaza kuzooka batungye amagara kandi abakozire kubi batungye okukyeenwa.  (Yoh 5:25-29)

(Kush 22:12) titurikuza Mwiguru kutunga ekiconco kwihaho yesu nuwe arakireete aha  omunsi. (1 pet 1:4,5) (Rom 4: 17)

Hati kukirabe kiri ngu ekiconco nitukihebwa yesu yamara kugaruka, kutucweera orubanja, nahabwekyo abahikiriire hanwe nabasiisi bamara kufa boona nibaza omumwanya gumwe nikyo ekituuro (grave) Emishororongo erikukurataho nehamya eki.

Yonasani akaba ari ohikirire kandi Saulo ari omusisi. Kwonka omukufa kwaabo tibaratanisibwemu, (2 Sam 1:23).

Yonesani , Saulo hamwe na Samwiri boona bakaza omumwanya gumwe aha kufa (1 Sam 28 :19)

 

Reeba ebya Aburahamu  omu shuura ya (Kut 25:8; yosh 24:2)

Abobwengye nabashema boona nibafa efa emwe (Mub 2:15, 16)

Abo abarikugira ngu omuntu yaafa naza omwiguru, nikihakanisa okuzooka hamwe nokucweerwa orubanja, kandi obwe ebi bibiri nebintu bikuru munonga omubyahandikirwe. Baibuli negira ngu abahikirire boona barahebwa ebiconco omurundi gumwe hamwe.

 

Entaama nari embuzi ziratanisibwamu. Entamma zitwarwe omubukama bwa Ruhanga. (Mat 25:34) (1 Kor 15:52)

Aha kusharura okugaruka nokucwa orubanja rwa Yesu abo boona abikiriza yesu barashemererwa hamwe (yoh 4:35,36) (mat 13:39)

Kush 11:18 neyoreka oku abafiire bariije kucweerwa orubanja naabo boona abikiriza barije kuhebwa ekiconco.

 

Heb 11 neyoreka  abikiriza abomundagaano eya ira. Omushororongo gwa 13 nigworeka nkoku abo boona bafiire batatungire ebyabaraganisibwe kwonka  kubaraije kubitunga yesu yamara kugaruka. Egi ekaba eri etebekanisa ya Ruhanga ngu boona abikiriza batunge ekiconco kyaabo omurundi gumwe Yesu yamara kugaruka. (Heb 11:8-12)

 

4.7   EKICONCO: NOMWIGURU NINGA OMUNSI?

Abo boona abarikugira ngu ekiconco kyaitu kiri omwiguru hatari Munsi, ngu kandi obukama bwa Ruhanga bamwe nibagira ngu nibuza kuba buri Omwiguru hatari Munsi. Abo boona abiine entekateka egyo egwiire, ahabwenshonga ezi.

 

Nekyobusasi okureeba ngu omushaara ya  Mukama waitu nitugira ngu obukama bwaitu bwije, kandi tushaba okugaruka tutekateeka ngu Obukama  nibuja kuba omwiguru (Mat 6:10) Nekitahikire okushaba buri izooba ngu obukama bwije kandi okagaruka okagira ngu nitwe turaze omwiguru!

 

Baine omugisha abacureezi ahabwokuba abo baryahungura ensi (Mat 5:5) (Zab 37:34,35) Abahikirire nibaza kuhungura ensi kandi  bagituremu ebiro byoona (Zab 37:11,22,29).

Daudi akafa kandi yaziikwa kwonka taragiire mwiguru (Byak 2:29,34) Petero we nagira ngu amasiko ge gari omu kuzooka – Yesu (Ebyak 2:22-36)

 

Eiguru nerya Mukama kwonka ensi akagiha abantu . (Zab 115:16)

Shoma (Kush. 5:9,10)

Daneri nagira ngu obukama bwabantu obu oburiho nibuza kuhendera nano obukama bwa Ruhanga Yesu yamara kugaruka. Kandi agira ngu amagara gatahwaho nikiza kuhebwa aha omunsi (Dan 7:27,2,35)(Dan 7:27)

 

4.8   OBWESIGWA OWA RUHANGA

Buri omwe ariho ahabwa Ruhanga. Turi nkebikooko ahabwokuba tweena nitufa. Tikugira ngu buri omwe orabireho akafa, naija kuzooka. Abo abazokire nibaza kuzooka bacweerwe orubanja nabwanyima bahebwe amagara gatahwaho omubukama bwa Ruhanga.

 

Boona abahurire ekigambo kya Ruhanga bakakikuratira, nibaza kucweerwa orubajna baze omubukama bwa Ruhanga. Abo boona abatarahurire kigambo kya Ruhanga tibarazooke nibaba nibashushana nebikooko ebitaramanyire ekigambo kya Ruhanga.Abo ababuzire kukuratira ebiragiro bya Ruhanga, nibaza kubuzibwa ekiragiro (Yoh 12:48) (Rom 2:12)

 

Tiharikubaasa kubaho okushisha haba hatariho kiragiro. Okushisha nikimanyisa okuhenda ekiragiro kya Ruhanga. (Rom5:13, 1Yoh 3:4; Rom 3:20) Ebikooko, ebimera, ebishaka hamwe nabo abantu boona abataramanyire ebya Ruhanga tibarazooke, byoona biraguma bifiire(Zab49:20) (Zab49:14)

 

Yah 15:22) (Rom 1:20-21)

Boona abayegire ebya Ruhanga, Nyowe yesu ninyija kubazoora nagaruka (yah 6:44-45)

(Bir 18:19)

(byak 17:30)

(Daneri 5:22)

(Luk 12:47,48)

Abo boona abamanyire ekihikire bakanga

Kubikora boona bakashiisha (yakobo 4:7)

Isirayiri baine obuvunanizibwa bwingi ahakuba Ruhanga akabeyoreka

Nagira ati nkaboyoreka nabeeta kwonka mwayanga kuuyetaba. (isa 65:12)

(2 pet 2:21) (yoh 9:41; 3:19) (1tim 1:13, Hos 4:14; Bir 1:39)(zabs 49:20)

 

Aba Babirooni tibarazooke ahakuba tibaramanyire Ruhanga (yer 51:39) (Isa 43:17) (Isa 26:13. 14) (Isa 26:19)

Yesu yagaruka nibaza kusimuka bamwe batunge amagara gatahwaho kandi abandi bahwerekyezibwe (Dan 12:2) (Amos 8:12, 140

Hati twayega ngu!

(1)   Okumanya ekigambo kya Ruhanga nikireeta waabo omuntu wa Ruhanga.

(2)   Abikiriza barazoorwa kandi bacweerwe orubanja

(3)   Abo abataramanyire Ruhanga baraguma bafiire nkebikooko.

Abagwiraro, abatariku baasa kwetegyereza baiburi abaana bato abafiire bakiri bato bataketegyereize  ekigambo kya Ruhanga.  Abo boona tibaramanyire Ruhanga nahabwekyo tibarizooka shoma emishororoujo egi (Rom 9:20) (2 Sa 12:15 –24)

Ruhanga ni rukundo tarikweenda muntu weena ngu ahwerekyerere nikyo yayohereize omwana we yesu kutufeera, ngu orimwikiriza arahebwa amagara gatahwaho. (1 yoh 4:8) (2 pet 3:9) (yoh 3:16) Ruhnaga nayenda ngu tweena tuza omubukama bwe.

 

 

 

4.9   HELL NENKI?

Abantu baingi nibagira ngu “Hell” nomwanaya ogwa basiisi barikuzamu bamara kufa.  Bagira ngu nomwanya ogu barikubonabonesibwamu kwonka eki tikihikire Baibuli netugira ngu “Hell” nekituuro, abantu boona ahibarikuza bamara kufa”Hell” nowawanya ogushangire barikugira ngu “Hell” nomwanya gurimu omuriro ogu abasiisi barikuzamu bakasya

 

Reka abasiisi bahuname omukituuro.  (zab 31:17)

Ruhanga naza kwiha  omwooyo gwangye omukituuro. (zab 49:15) Omubiri omu kituuro ninga “Hell”.

 

“Hell” timwanya gwokubonabona ahakuba abahikirire nabo niyo barikuza. (Hos. 13:14) (Kor 15:55) (Kush 20:13). Hannah ebigambo bye omu Isam 2:6 nagira ati Ruhanga nayita kandi akora arikurabira omukuzooka/kuzoora.

 

“Hell” kyaba kiri ekituuro abahikirire nibaija kukihwamu bazooke batunge amagara gatahwaho. Yesu nawe akaza omukituuro  “Hello”. Bwanyima yazooka kandi naitwe nukwe turaabe (Ebyak 2:31) Yesu akamara omu kituuro”Hell” ebiro bishatu. EKi nikyoreka ngu abasiisi bonka tibo barikuza omukituuro ahakuba Yesu nawe akazamu. (Isa53:9) (Kut 37:35) Empeera yekibi nokufa (Rom6:23,8:13) (yakobo 1:15) waafa nofeera kimwe. (Mat 21:41, 22:7(Mak 12:9)(Yak 4:12) (Luk 17:27,29) (1 Kor 10:10).  Empeera yekibi nokufa, nahabwekyo abu Ruhanga arikwenda baracweerwa orubanja.abari0singwa bagaruke bafeere kimwe. Oku nikwo okufa kwa kabiri. (Kush 2:11, 20:6).

 

Shoma Bir 11:4

(Luk 19:27) (Ezra 18:23,32;33:11 2 pet 3:9). Yongyera oshome emishororongo egi (Zab 49:14) (Byak 2:31) (Ezra 32:26 – 30) (Byak 8:20).Jona (Yona) kuyamizirwe ekyenyanja yashaba, nabwanyima Ruhanga yamwihamu. Kuyamwihiremu Yona yagira ati Ruhanga niwe yanyiha omu kituuro “Hell” (yYona 2:1,2) (Mat 12:40)

 

Omuriro Sodom ekafubirwa nomuriro. Ekahwerekyerezibwa ahabwokushisha kwabantu. Etauni egyo hati ekashwekwa enyanja erikweetwa “Dead sea” (Yer 17:27) (Isa 2:2-4) (zab 48:2) (2 Bag 25:9) Yer 3:12)  Ruhanga akafubira abantu ba Idumea nano omuriro. Ruhanga emirundi mingi akaba akozesa omuriro kworeka ekiniga kye (Isa 34:9 –15) (Isa 32:14,15) Ruahanga naza kubonereza abasisi nana omuriro. Baibuli netugira ngu ekituuro nikiza kuhwerekyerezibwa emyaka Rukumi yamara kuhwaho. (Millennium) okufa nikuza kuhwaho nikuba kutakiriho.

 

GEHENA

Gehena  gukaba guri omwanya aheeru yorurembo rwa Yerusalemu. Omumwanya ogu gukaba gunagwamu. Ebisasiro bwoona ebyabaire biruga omu tauni ya yerusalemu. Ebintu byoona ebyabaire bifeera omu tauni nkebikooko bikaba binagwa omumwanya ogwo, byokibwa, nahabwekyo omuriro gukaba gutuura nigwaka omuri gehena. Niho kyarugirire kugira ngu gehena nomwanya mubi gwokuhwerekyezibwa (Yosh. 15:8)

 

Ekintu kyoona ekyabaire kinagwa omuri gehena kikaba kisya kihwerekyerera kiba omucucu. Nahabwekyo naha kucwerwa orubanja ekiniga kya Ruhanga kirahwerekyereza abasiisi. Shoma (Abaheburayo 12:29). Gehenna, zebibi kuzabire zifa zitwabakaba nabo banagwa omuri gehenna bokibwa (yer 7:32,33)

 

Yesu akakozesa ebigambo bimwe kuruga omundagaano enkuru gehenna, arikugira ngu abo boona abarikugira ngu abo boona abarisingwa orubanja yamara kugaruka, barateebwa omu gehena ninga “Hell” (mak 9:43,44)  Omuriro GWA GEHENNA nigworeka ekiniga kya Ruhanga aha kibi ekirituma abasiisi bahwerekyerezibwe nokufa.

 

Okwetegyereza  11

Purigatri  - Abakatoriki (catholics) bo nibagira ngu emyooyo yabantu bamwe bamara kufa, batiine bibi bingi ngu mbaza omumwanya gutarikweta purigatiri.  Nibagira ngu omu mwanya ogu omuntu ogwo baguma nibamushabira bakosya obubaani kandi bakahereza ebicweero munonga omukere ziya, ngu Ruhanga nahurira eshara  zaabo omuntu agwo namwiiha omuri purigatiri namutwaara omwiguru. Egi nenshobi mpango etashemerire kukuratibwa.

-         Baibuli teyine ekyerikugamba  ahakikwatirine neki.

-         Omuntu yaafa, omubiri niguza omuukituuro, hell” tihariho ekintu kyoona omumuntu ekirikuguma kihurire omuuntu yamara kufa.

-         Tihaine omu Baibuli ahikikugambwa ngu abahikirire baafa nibaza omwiguru (Mat 25:31-34) (Kush 22:12)

-         Abahikirire nibaza  kutunga ekiconco kyaabo hamwe tiburi mutu ahabwe wenka yamara kufa (heb 11:39,40) (2Tim 4:8)

-         Nitusasirwa ebibi byaitu twamara kwetisa kandi tukabatizibwa omuri Yesu (1Kor 5:7) (2 Kor 6:2) (Heb 9:14)  (Gal 6:8)

-         Okugira ngu wamara kufa abu wasiga enyima nibakuyamba obwo bakwosya obubaani nokuha kimwe kikumi, tikiine makuru (Zab 49:6-9)

 

OKWETEGYEREZA 12

Emizimu nebyayo

 

Okugira ngu omuntu yamara kufa omuzimu gwe niguguma omunsi ninga guza omukindi kintu, kikaba kiri ekitekateeko kyakare ekyabaire kigyezaho kukyandeza obusaasi bwabantu takufeera kimwe. Tumazire  kureeba ngu omuntu yaafa omwisyo gwe nigugaruka owa Ruhanga. (Mub 12:7) (2 Kor 5:10) (kush 22:12) omuntu okugira ngu nagamba nabantu abafiire kare, nikyoreka obutetegyereza Baibuli ebyerikugamba (Isa 8:19,20) (Abarevi 19:31, 20:6)

 

 

 

 

Okwetegyereza 13

Nituzooka Turi Tuta?

Amagara gatahwaho nikiza kuhebwa abahikirire bamara kucweebwa orubanja  bwanyima yokuzooka.  Twamara kucweerwa orubanja nituza omubukama bwa Ruhanga (Mat25:34).  Emibiri neshagama  tibiriza mubukama bwa Ruhanga (1Kor 15:50, 51,53).

Omukurasi Paulo nagamba aha kuzooka kwa bahikirire nabatahikirire,  abahikirire baratunga amagara gatahwaho kandi abasiisi bahwerekyezibwe (Ebyak 24:14) (Yoh 5:29) (Abafilipi 3:11) Shoma emishororongo egi erikugamba aha kuzooka (Luk 14:14) Luk 20:35) (Yoh 11:24) (1Kor 15:21, 42) (Heb 11:35) (Kush 20: 6) (Zab 17:15) Amagara gatahwaho garahebwa boona  bamara kwerundana hamwe kucweerwa orubanja (Mat 25: 31-34) (Mat 13:41- 43)

 

OKWETEGYEREZA 14

OKUTWARWA OMWIGURU NUKWE ?

Hariho abarikugira ngu abahikirire nibaza kubugana Yesu omubicu abatware omwiguru.  Eki tikihikire, ahakuba ekiconco kyabahikire kiri aha omunsi timwiguru.  Kandi  ensi terihwaho. Yesu naza kwiza kutegyeka aha kitebe kya Daudi omu yerusalemu. Yesu kwaraije, abamwikirize nibaza kwerundaana hamwe bacweerwe orub anja okwerundana hamwe turagyendera omumwanya tuze Yerusalemu.  Kwonka orubanja tuturirucwebwa mwinguru.  Yesu nagira  ati abantu babiri baryaaba bari omumusiri omwe atwaarwe ondijo arekwe(Luk 17:30,36)

 

EISHOMO RYA 4 EBIBUUZO

1  Nihabahoki twamara kufa?

(a)   Omubiri niguza omwiguru

(b)    Nitufeera kimwe, emibiri yitu egaruka omwitaka

(c)   Omubiri gwaitu nigubikwa kuhisya aha kucweerwa orubanja.

(d)   Emibiri emibi neza omu “Hell” emirungi eza omu iguru.

 

2 Omubiri gwomuntu niki?

(a)   Ekintu aha Muntu ekitarikufa.

(b)   Ekirikumanyisa omuntu weena nkokwaari.

(c)   Nikimanyisa omwooyo.

(d)   Ekintu ekirukuza omwiguru ninga omu kituuro bwanyima yokufa.

 

3 Omwooyo gwomuntu nenki?

4 Omubugufu, shoborora aha muntu?

5          Hereza emishororongo ebiri ya Baibuli erikworeka ngu kworikufa weena  ofeera kimwe.

6          Nomanyaki ahakucweerwa orubanja, Yesu yagaruka?

7          Nibahi abarazoorwe kandi bakacweerwa orubanja?

8          “Hell” nenki?

9          Gehenna nenki?