2

AMAANI (OMWOOYO) WA RUHANGA

2.1 AMAKURU GAKYO

Omukishushani kyaitu, nibingi ebyari kubagana naitwe nka baana be. Ebikorwa bya Ruhanga nabikora naitwe, Ruhanga nabikora arikwejunisa omwooyo we. Nahabwekyo tushemereire kumanya Omwooyo wa Ruhanga nenki kandi nakora ata?

Kyorobi kushoborora omwooyo wa Ruhanga nenki Omwooyo wa Ruhanga nikimanyisa byoona ebikwatirine na Ruhanga. Omu Ruheburayo, Omwooyo wa Ruhanga nikimanyisa omwisyo narishi amaani omundagaano eya Ira.

Nahabwekyo Omwooyo wa Ruhanga, nomwisyo, Omwooyo ogu Ruhanga arikushohoza kworeka entwaaza ye. Nitwija kworeka bingi ebikwatirine nomwoyo wa Ruhanga omu Ishomo rya 4:3 Ekirikworeka ngu omwoyo wa Ruhanga namaani ga Ruhanga Shooma Rom 15:19.

Nenyegyesa ya Baibuli ngu entekateeka yomuntu eine akakwate nebikorwa bye (Enf 23:7; Mat 12:34). Nitubanza twatekateka ekintu reru tuboona kukikora. Ekiteekateko nikibanza kyatugira ngu nitweenda kurya reru tubone kuronda ekyokurya tuteeka turya. Hati noreeba ekiteekateko nikirigamu ekikorwa. Eki nikyoreka kandi kikakasa abaheburayo abarikugira ngu Omwooyo nikimanyisa omwisyo gwomuntu, ebiteekateko hamwe namaani. Nahabwekyo Omwooyo wa Ruhanga nawe ari nkitwe, Namaani ga Ruhanga agarikworeka ebikorwa bye. Ruhanga natekateeka kandi akoora ebintu. “Nkoku nateekateka nikwo kiraije kandi nkokukyakorwa nikwo Kiragume” (Isa 14:24)

AMAANI GA RUHANGA

Eyahandikirwe bingi nibyoreka ngu omwooyo wa Ruhanga namaani ge. Omu kuhanga ensi, Ruhanga akakozesa “Omwooyo we, yaragiire ati habeho ekyererezi, (Omushaana) kandi kyabaho” (Kut 1:2,3).

Omwooyo wa Ruhanga namaani ga Ruhanga agatumire ensi niguru nebirumu byahangwa. Shooma (Yob 26:13). Garuka Oshome kandi ogyeragyeranise emishororongo egi Mat12:28 hamwe na Luk 11:20 neyoreka ngu omukono gwa Ruhanga nigukora hamwe namaani ge agari omwooyo wa Ruhanga. Shooma Zab 33:6. Nahabwekyo omwoyo wa Ruhanga nashoborora omubufunze at:

 Nomwisyo

 Nekigambo

 Nomukoono gwe

 Hamwe Nengaro ze

Nahabwekyo namaani ga Ruhanga agarikukoresa kuhikiriza burikimwe. Abikiriza nibazarwa busya (Yoh 1:13). Obwo arikukozesa ebikorwa bya Ruhanga byoona nibihikirizibwa omwooyo we. Shooma Zab 104:30. Omwooyo wa Mukaama namaani nibyo birikukwatirira burikimwe. Shooma

Yubu 34:14, 15. Oreebe ebi Ruhanaga yakorire yubu. Daudi akashaba Ruhanga ngu agumizemu amukwatirire omumagara ge (Zab 51:12).

Nitwija kureeba omu Ishomo rya 4:3 omwooyo witu niwe akukwatirira amagara gaitu twine omwisyo gomwoyo wa magara (Kut 7:22). Tukaherezibwa omwisyo ogu twamara kuzarwa

(Zab 104:30; Kut 2:7). Shooma Kubara 27:16 na Heb 12:9. Amaani ga Ruhanga gari hamwe hoona. Daudi akikiriza ngu ammani ga Ruhanga ningashi omwooyo wa Ruhanga ninga ari hamwe nawe buri hoona aharikuza. Ruhanga we ari Omwiguru kwonka ahabwamaani ge ninga omwooyo we, Ruhanga nashangwa Buri hamwe hoona. Shooma Zaburi 139:2, 7, 9, 10.

Twehiguririze omwooyo wa Mukama , Ebi Ruhanga arikwenda. Shooma Zab 139:6. Oreebe ebi Daudi yagambire ahabikorwa byomwooyo wa Mukama. Ebikorwa byitu byoona Ruhanga naaba nabirreba, Twaaba nitiza kubatizibwa tushemeriire kibijuka. Hariho orikubaasa kweshereka ahuntarikureeba? tikirikubasika ahakuba nyijwire ensi niguru (Yer 23:24).

OMWOOYO ORIKWERA

Twamara kureeba ngu omwooyo wa Ruhanga nebitekyerezo bye hamwe na Maani ge ebyarikukoresa kuhikiriza ebyarikukoresa ebintu byoona Shooma (Efu 23:7). Ruhanga nebitekateko bye nahabyekyo Ruhanga nomwooyo (Yoh 4:24). Kwonka eki tikirikumanyisa ngu Ruhanga timuntu. Shooma

(okwetegyereza 1).

Okwetegyereza munonga aha bikwatirine nanomwooyo wa Ruhanga, Obumwe nitushooma omwooyo orikweera.

Ekigambo omwooyo orikweera nikishangwa Munoonga omu ndagaano Ensya. Endaagano eya Ira kikaba nikyeetwa omumuringo ogundi kwonka nabwo kirikumanyisa ekintu kimwe. Shooma ebyakozirwe Eshuura 2 Erikworeka okuhereza Omwooyo orikwera aha Begyesibwa ba Yesu aha Kiro kya Pentecot, Petero nagira ngu eki kikaba nikihikiriza Shooma (Ebyak 2:17). Kwonka eki nikiza kwihikirizabwa omu bwijwire Yesu yamara kugaruka. Shooma (Isa 32:15,16). Garuka oshome (Luk 4:1) reeba akakwate akeshuura egi eine na (Isa 61).

Reeba oku Omwooyo wa Ruhanga nashushanisibwa na Maani ga Ruhanga omuri ebi ebirukukurataho.

1 Omwooyo wa Ruhanga naaza kwija ahari Mariamu kandi ammani ge gamushangire Shooma (Luk 1:35)

2 Amaani gomwooyo orikwera nigakora ebirikutangaza (Rom 15:13,19)

3 Engiri ekaija namaani hamwe nomwooyo orikwera

(1 Tes 1:5)

4 Okuraganisa omwooyo orikweera aha begyesibwa ba Yesu kikabaho ahabwamaani ga Ruhanga (Luk 24:49)

5 Yesu nawe akabaho aha bwamaani gomwooyo orikwera (Byak 10:38)

6 Paul akaba nayegamira aha maani ga Ruhanga omukwegyesa kwe. Paulo nagira ati, okwegyesa kwangye kukaba kurumu omwooyo hamwe namaani ga Ruhanga (1 Kor 2:4).

2.2 OMWOOYO WA RUHANGA ORIKWEERA OMUBANTU

Twamara kureeba ngu omwooyo wa Ruhanga nikimanyisa amaani ga Ruhanga, ebitekateeko kandi ebi Ruhanga nabyoreeka omu bikorwa bye obwo arikukoresa omwooyo we omu Ishomo erituherize, turebire oku Ruhanga yakoriise omwooyo we omu kuhanga. Shooma Yob 26:13;Kut 1:2 hamwe na Zab 33:6 nahabwekyo omwooyo wa Mukama akaba nayikiriza omu kigambo biturikugamba, nibyoreka obuturi omunda ahatakurebwa nebitekyerezo byitu okubiri. Shooma Mat 12:34 oreebe ebi Yesu yagambire. Nahabwekyo twakyencura ebigambo bitu bitakagambirwe, Nikirungi.

Nomugisha gwamaani kureeba ngu ebigambo bya Mukama bihandikirwe omu Baibuli kwenda ngu tumanye gye omwooyo wa Ruhanga hamwe nebitekateko bye. Daudi akagamba oku ekigambo kya Ruhanga hamwe nemitima yaitu biine akakwate Shooma (2 Sam 7:21). Ruhanga akahikiriza Baibuli ekahandikwa ahabwamaani ga Ruhanga obwo arikukozesa omwooyo orikweera.

“Omwoyo: nikimanyisa “Omwoya: ninga okwiisya. Eki nikimanyisa ngu byoona ebyahandikirwe omu Baibuli bikaba biri ebigambo bya Ruhanga. Ruhanga akaba ayohereza omwooyo orikweera deru omuntu ahandiika ebi omwooyo wa Mukama yabiire amugambira. Byoona ebihandikire omu Baibuli bihikire kandi bikahandikwa Ruhanga okurabira omu mwooyo orikweera. Shooma (2 Tim 3:15-17).

Tikiine mugasho hati omuntu kugira hariho amaani agari kubasisa omuntu yakora ebyokutangaza kandi obwe Baibuli yaaba eriho yahandikirwe Ruhanga.

Haba hariho ekintu nkekyo nikiba nikimanyisa ngu Baibuli tehikirize mugasho gwaayo. Paulo nagira ngu okukwaata Baibuli omungaro okamanya ngu nekigambo kyomwooyo wa Ruhanga. Nikyetaga okwikiriza (faith). Shooma Heb 4:2.

Bamwe abakurasi ba Yesu abakaare bakagira ngu ebicweeka bimwe bya Baiibuli tibirahandikirwe mwooyo wa Ruhanga, kwonka Peter ebi nabyeeta ebigambo ebitahikire. Shooma 2 Pet 1:19-20.

Itwe nitwikiriza ngu Baibuli yoona ekahandikwa Ruhanga orikukoresa omwooyo orikwera kandi eki nikyo turikwebembeza omu ngyenderwaho yitu.(Christadelphian statement faith). Shooma emishororongo egi omu Baibuli Mat 15:4; Mak 12:36; Ebyok 1:16; 28:25; Heb 3:7; 9:8; 10:15.

ABAHANDIKI BA BAIBULI

Abahandiki ba Baibuli ebibabire bahandika bikaba bitari bigambo byabo kwonka bikaba biri ebigambo bya Ruhanga. Shooma

Yoh 17:17; 2 Tim 3:16, 17. Amazima nigashasha. Nabi yeremiya akabonabonesibwa, ahabwokugamba ebigambo ebyo mwooyo wa Mukama yamuhaire kugamba (Yer 20:7,9). Oreebe ebi Petero arikugamba ahabahandiki ba baibuli Balaamu akaba nagyezaho kukyeena Isirayiri Kwonka yamuzamu atyo omumwanya gwokukora ekyo,yagihasirira. Akaba atarikubaasa kweshereka omwooyo wa Mukama. Shooma Kub 24:1-13; Bir 23:5;

Kub 22:12. Shooma aha Bantu aba abu omwooyo orikwera wa Mukama yatumire kugira ekibakora kwonka batigiiga Shooma oreebe ekyabaireho.

 Musa (Kur 4:10)

 Yeremiya (Yer 1:6)

 Ezekiel (Ezk 3:14)

 Yohana (Yon 1,2,3)

 Paulo (Ebyak 18:8)

 Timoseo (1 Tim 4:6–14)

 Balaamu (Kub 22 –24)

Eki nikitworeka ngu ekigambo kya Ruhanga tikyomuntu kwihaho omwooyo wa Ruhanga niwe arikuba akigambire 2 Pet 1:19 –21 Shooma na Amosi (Amo 3:8).

Ebiragiro kumi bikagambwa Musa Kwonka bikaba biri ebigambo bya Ruhanga (Kub 12:22, 23). Eki Nikyongyera kworeka okukwatanisa gye nabantu ababiire nibamuhurira.

Eminwa yaabo ekaba eri eminwa ya Mukama Ruhanga.

Omwooyo gwa Ruhanga akagambira Nabi Hosea ngu Rukundo ya Ruhanga, ahari Isirayiri eyabire etiine kwikiriza ahari Ruhanga. Hosea Akaragirwa Omwooyo wamukama kushwera omukazi owabire ari maraya atahikiriie. Hosea akaba ari ekigambo kya Ruhanga aha Bantu. Kandi we yesu akaba ari ekigambo kya Ruhanga ekyarugiremu Omuntu. Shooma

Hos 1:2 na Yer 17:13, 14.

Ekindi Abahandikire bamwe bakaba batarikumanyagye ngu ebibahandikire.ekirikwereka ngu ebigambo bikaba birikuruga ahari Ruhanga.

Shooma emishororongo egi omanye ebirikukiraho (1 Pet 1: 9-12; Dan 12: 8-10; Zak 4:4-13; Ebyak 10:17). Omwana Samwiri akaba atarikumanya Ruhanga konka arikugamba ekigambo kye

(1 Sam.3:7). Ekigambo jkyamukama kihikire nahabwekyo tushemerire kukikunda kandi tukakikuratira (Zab 119:140).

Nahabwekyo ebitabo ebiri omu Baibiri nomurimo gwa Ruhanga nomwooyo we kwonka tibitekateko bya Bantu. Shooma emishororongo egi:

- Mat 2:5; 2:15; 1:22, 23; 21:4

- Heb 2:6

- Ebyak 1:16; 28:25

- Luk 3:4

Kandi omanye ngu hati Omwooyo wa Ruhanga orikweera nitumumanya twarabira omukigambo kye ekihandikikirwe Niyo Baiburi. Shooma ebyokureberaho.

1. Yesu nagira ati Ebigambao ebindikureberaho tibyangye nkomuntu kwihaho nebyomwooyo wa Ruhanga

(Yoh 17:8, 14:10)

2. Nituzxaarwa obwakabiri nomwooyo hamwe nekigambo kya Ruhanga (Yoh 3: 3-5; 1 Pet 1:23)

3. Shooma (Zak 7:12)

4. Ninyija kwohereza omwooyo wanngye aharimwe, kandi ebigambo Byangye bimanywe (Enf 1:23)

5. Ebigambobyangye nkabita omukanwa kanyu

(Isa 59:21; 2Sam 7:21;Ezk 36:27; Jer 31:33)

Ruhanga nomwooyo we (Yoh 4:24) kandi Ruhanga nekigambo kya Ruhanga (Zab119:140), kuturikuhenda ebiragiro bya Ruhanga.

AMAANI GEKIGAMBO KYA RUHANGA

Nkoku Omwooyo wa Ruhanga na shushana nebitekateko bwye nikyongyyera kimanyisa Amaani ge agarukukozesa kuhikiriza ebitekateko bye. Twakuratira ebigambo kya Ruhanga, nituraba kurungi omumagara gensi, egi, obwo turikworekyera ekutunga amagara agatahwaho. Shooma Rom 1:16; Luk 1:37.

Ekigambo kya Ruhanga kiine ammani kandi tikirihwaho

(Heb 4:12; 1:3) kandi ekigambo kay Ruhanga nikikora omuri abo abarikumwikiriza (1 Tes 2:13). Engiri eyorikushoma hati, omumaziima na Maani ga Ruhanga, wikiriza, amagara gawe nigahinduka noba omwaana wa Ruhanga. Kandi orahundurwa oze omukishushani kya Ruhanga Yesu ku aragarukye aha omunsi. Shooma 2 Pet 1:4; 1 Kor 2:4.

Twehingurizibwe abo abatarikwikiriza Baibuli omubwijwire kandi obwo barikugira ngu nibakuratira Yesu. Nibagira ngu nibaikiriza Ruhanga kwonka banga kwikiriza ngu Ruhanga nomuntu nkaitwe, kandi bagaruka banga kwikiriza ngu ebyahandikirwe byoona tibirarugire ahari Ruhanga. Abo nibaba batarikwikiriza maani ga Ruhanga. Shooma 2 Tim 3:5.

Okuburira okwomusharaba, nokwaabo abatari bashema kwihaho nokwitu abajunwa, kandi namaani ga Ruhanga. Ahabwenki buri omwe atarikukwata Baibuli tukagiha nekitinisa kandi tukagishooma nekihika?

ABANTU BA MUKAMA OKUBARIKUTWAZA EKIGAMBO KYE

Yesu akoreka ngu ebigambo ebibabaire nibaburira bikaba niburuga ahari Ruhanga. Akahereza ekyokureberaho kya Daudi. Shooma Mat 22:43. Ebigambo bya Daudi bikaba nibiruga ahari Ruhanga. Yesu akagaruka yahamya ngu nayikiriza Musa niwe yahandikire ebitaabo byokubanza bitaano bya Baibuli. Shooma Yoh 5:45 –47; Mak 7:8, 9; Mat 12:42. Entwaaza yabegyesibwa ba Yesu ekaba neshushana neyamukama waabo Yesu Kristo (2 Pet 19-21). Petero akagira ngu ebaruha za Paulo eziyahandikire nekicweeka kimwe aha byahandikirwe ahakuba nazo zikaruga aha mwooyo eya Ira okuyahandikirwe. Yongyera oshome ebyak 13:51; Mat 10:14 hamwe na 1Tim 5:18, oreebe oku biine akakwate na Bir 25:4. Omundagaano eya Ira Luk 10:7 Paulo nagira ngu ebigambo bye bikaruga ahari Yesu, agira ngu bikaba bitari bigambo bye (Gal 1:11, 12; 1 Kor 2:13; 11:23; 15;3) ebigambo ebi bikagaruka bikirizibwa abandi abakurasi ba Yesu. Shooma Yak 4:5 Oreebe oku Yakobo yakozise ebigambo bya Paulo omubaruha ye (Gal 5:17).

Ruhanga akagamba naitwe arikurabira omuri Yesu, nahabwekyo tikine mugasho okutweyoreka okundi (Heb 1:2). Ebitabo ebitari mu Baibuli, biri tbine mugasho, nahabwekyo Ruhanga akareeba ngu tibitwinire mugasho. Namunonga ebitabo ebyahandikirwe ahagatiye ndagaano eyira hamwe nensya. Abegyesibwa ba Yesu bakikiriza ngu ebyahandikirwe byoona bikaruga ahari Ruhanga. Tihariho nomwe owabaire nabanganisa ahabihandiko bya Mugyenzi we. Reeba (1 Kor 14:37; 1 Yoh 4:1; Kush 2:2). Eki nikyoreka ngu amabaruha agahandikirwe gakahandikwa garikuruga aha Mwooyo wa Mukama.

2.3 EBICONCO BY’OMWOYO ORIKWEERA

Emirundi emingi, Ruhanga okukoragana n’abantu, Ruhanga akaba akozesa amaani ge ningashi niwe Omwoyo Orikwerera. Omwoyo orikwera akaba ayoherezibwa kukora ekintu, kandi ekintu ekyo kukyabaire kihwa, ekiconco ekyo kikaba kihwa.

Hati omwoyo Orikwera tariho kwihaho wikiririza omuri Yesu, notunga byoona. Hati ensi nyingi nka Uganda haruho bingi abarikugira ngu batunga Omwoyo Orikwera bakagira ngu nibabaasa kukora ebyokutangaza nkokutamba endwara. Eki timaziima.

Ruhanga akaba ahereezaOmwoyo orikwera nekigyendererwa kandi omuntu owabaire atunga Omwoyo orikwera akaba amanya ekiyabaire aza kukora kandi ekikorwa ekyo kikaba kihikirira.

Reeba ebyokureberaho, ebirikukurataho. Omuntu kuyabiire ahebwa omwoyo orikwera, akaba akora ekintu ekyo kyonka ekiyabaire atumwa, kandi amaani ago akaba atagaha ndijo muntu shooma (Isaya 40:13).

1. Omuri Isirayiri eyakare, Ruhanga akaragiira kukora ihema (tent) ahubabaire nibamuramiza. Okukora ihema eryo, Ruhanga akahereza Omwoyo abantu bamwe bagira obwengye bwokukora ebijwaaro bya Aroni n’ebindi (Kur. 28:3).

2. Omwe owubarikweta Bezaleel akatunga Omwoyo wa Mukama, yagira amagezi gokukora ebintu omu zaabu n’ebindi bintu ebikozirwe omu Mabare (Kur. 31:3-5)

3. Kub. 11:14-17 neyoreka oku Omwoyo wa Mukama yayihirwe ahari Musa akahebwa Bakirinju bisirayiri ngu bayambe Musa omukucwa gye emishango. Kandi Musa atakafiire Omwoyo wa Mukama akamwihwaho yahebwa Yosia (Joshua), owayebembire abisirayiri gye akabahisya Kanani (Bir. 34:9).

4. Kuruga Abisirayiri bamara kuza omu itaka ryaabo nanokutunga omukama waabo wokubanza SAULO, bakaba nibebemberwa Abaramuzi, kandi aba bakaba bayambwa Omwoyo wa Mukama namunonga omu kubinga abazigu. (Jud. 3:10), Gideon Jud 6:34) Jud 11:29).

5. Omuramuzi SAMSON Akahebwa Omwoyo wa Mukama yarwaana nekicuncu yakita. Jud. 14:5,6), okwita abantu 30 (Jud. 14:19) okucwa emigoye eyibabire bamukomiise Jud. 15:14. Nahabwekyo omwoyo orikwera ogu kuyabiire ahebwa Samson akaba atagumira kimwe nawe akaba akora ekimuresire kikihwa amurugamu.

6. Shooma (2 Chron. 24:20), (Chron. 15:1,2) (Luk. 4:18,19)

7. Oreebe oku Zakaria yatungire amani g’omwoyo akagambira abantu.

Kurugirira ebitwareeba, okutunga Omwoyo Orikwera kikaba kitarikumanyisa ngu:

- Nakabonero k’okujunwa

- Nokurinda amagara g’omuntu.

- N’amaani ge nk’omuntu wenka.

- N’ekintu kitarikwetegyerezibwa, kirikuruga omu kutekateeka nk’omuntu.

Hati abo abarikugira ngu nibatunga Omwoyo Orikwera nibaba batarikumanya nimani ki agubatunga,ningashi Omwoyo orikwera ogwe naza kubayamba kukoraki? ekyokureberaho Samson akatunga amaani g’Omwoyo oriwkera kumubasisa kwita ekicuncu nobuyabiire atakakisire akaba yamanyire ngu naza kukita shooma (Jud. 14:5,6).

Tushemereire kugyendera ahari ebyo ebi Baibuli erikutugambira kwonka tihari ebyo. ebiturikutekateka nkabantu. (Yer. 17:9). Tweena nitwenda tugire amaani g’omwoyo orikwera kwonka tuta? nkaabo abuturikushoma omu Baibuli nari. Reeba ebi ebirkukurataho.

ENSHONGA EZATUMIRE HABAHO EBICONCO BYOMWOYO ORIKWERA.

Hati katureebe ebiconco by’omwoyo orikwera ebyahairwe abakurasi ba Yesu omundagano Ensya.

Ekiragiro kyahamuheru eki Yesu yahaire abegyesibwa be, akabagira ati mwirooko muze omu mahanga goona muburire engiri (Mak. 16:15, 16). Okuburira kwabo kukaba kuri aha kufa n’okuzooka kwa Yesu.

Hakaba hashemerire kubaho ekirikworeka ngu ebigambo by’abantu aba bikaba nibiruga ahari Ruhanga, ahakuba obwire obwo hakaba haruho abandi Bantu ababaire babaiha ngu nabo nibakora ebyokutangaza! Okuhereza abantu abaOmwoyo Orikwera, nokugira ngu Endagano ensya ekaba etakahandikirwe. Omwoyo Orikwera akaba ari omuhabuzi wabakurasi ba Yesu kwonka hati endagaano ensya kuyahandikirwe, omwoyo Orikwera yagarukayo. Twashoma Baibuli tukakora ebyerikutugambira nikimara.

Reeba ebirikukurataho.

- Shoma (Abefeeso 4:8,12) oreebe ebi Yesu yagambire yamara kutemba omwiguru.

- Shoma (abarooma 1:11) oreebe ebi Paulo yagambire abikiriza ba Rooma. Yongyera oshome emishororongo egi.

- (1 Tesa. 1:5, 1 Kor. 1:5, 6)

- Rom. 15:18, 19

- Heb. 2:4.

- Ebyak. 13:12

Abegyesibwa ba Yesu bakaza hoona baburira obwo barikuyambwa Omwoyo Orikwera. Mak. 16:20.

EBINTU KUKORWA OMUBWIIRE BWABYO.

Ebiconco by’omwoyo orikwera, bikaba bihebwa kukora ekintu kimwe omubwire bwakyo. Ekiconco ky’Omwoyo Orikwera, kikaba kitahebwa omuntu kuguma nakyo obwire bwoona. Petero nabandi, bakahebwa Omwoyo Orikwera Yesu yamara kugyenda Omwiguru yababasikisa okugamba omundimi (Eby. 2:4) (Ebyak. 4:8), (Ebyak. 4:31).

Paul akahebwa omwoyo orikwera obuyabatizibwa bwanyima yahebwa omwoyo orikwera owamubasiise kufubira omusiisi owabiire ahumire. (Ebyak. 9:17, 13:9) abakurasi ba Yesu aba ira nibo babaire batunga Omwoyo Orikwera kwonka tibahati (Abefeso 4:7)

Yesu niwe wenka niwe yabaire aine ebiconco by’Omwoyo Orikwera omubwijwire kandi niwe yabiire aine orusa kubikozesa nk’oku arikwenda.

Ebiconco by’Omwoyo Orikwera ebyabaire biriho kare.

Obwanabi (Prophecy)

Abwa nabi nokugamba ekintu kya Ruhanga kitakabaireho. Ninga okugamba ebirikwija kubaho omubiro bwomumaisho. (1 Pet. 19-21). Banabi ababaire biine obwanabi bwingi bakaba nibaruga omuri Yerusalemu na Antioch.

Bingi ba nabi bakaba babaiha ngu batumirwe Ruhanga kwoonka kubabaire bahika ebibagamba bibura kuhikirira. shoma Ebyak. 11:27-29.

OKUTAMBA.

Okurebera aha kugira ngu abegyesibwa ba Yesu bakaba nibegyesa amakuru marungi g’obukama bwa Yesu aha omunsi, bakaba biine okukora ebyokutangaaza kworeka ngu ebibabaire nibagamba namazima. (ISa 35:5,6). Yesu yagaruka, ebiconco by’omwooyo nituza kubitunga omubwijwiire. Shoma (Ebyak 3:2, 3:7-11). Oreebe oku Petero yatambiire omurema, omushabirizi owabaire ari aha muryango gwa yekaaru (temple) ya Mukama.

Aba Mungu Mwema nibagira ngu ebiconco by’omwpyo biriho hati obwo bakweyegamiza aha bigyendererwa abi:

Nibagira ngu okutambirwa endwara

Okutambirwa oburema

Empumi kureeba

N’ezindi ndwara

Nibagira ngu endwara ezi nizitambwa omuntu wamara kwikiriza! Kwonka eki timazima. Aha nitureeba ngu abakare ababiire batambirwa bakaba batarikumanya Yesu. Shoma (Yoh. 5:13, 9:36). Yongyera oshome (Ebyak. 5:15) (Ebyak. 13:12,13), (Ebyak. 13:8-13) (Mak 2:12)

OKUGAMBA ENDIMI

Omu Mak. 16:15,16, abegyesibwa kubagambirwe ngu baze omumahanga goona baburire engiri, ekibuuzo ekibabandize kubuuza n’okugira ngu nibaburira bata batarikumanya ndimi? Okumaraho ekizibu eki, abegyesibwa bakahebwa omwoyo orikwera kubagambisa endimi, hamwe n’okuzetegyereza.

Aha bugyenyi bwa Pentecost, Yesu yamara kutemba omwiguru, abegyesibwaboona bakatandika kugamba omundimi (shoma Ebyak. 2:4-12), (Ebyak. 2:4-11) (Kush. 7:9, 10:11, 11:9, 13:7, 17:15). Okugamba omururimi rutakuhurirwa kikaba kitahikire. Ekigambo Amen nikimanyisa ngu “kibe nikwo kyaba”, batarikumanya kyagambwa.kita. Abo abarikugira ngu nibagamba omu ndimi obwire obu nibaba nibabeiha. Shoma (Ebyak. 19:6), (1 Kor. 14:27,28). Ebigambo ebyo ebirikugira ngu nibagamba omundimi, nkaba Mungu Mwema, nibaba biine bingi ebirikubateganisa. Eki kikavumburwa omunya Sayansi owu barikweta Keith Meador omukugu omu beemitwe omuri America. Omunya sayansi ogu akashanga ngu pacenti 5 n’obucweka buna nibaba beine ebirikubateganisa bikatuma bagamba omundimi kutari kugira ngu nibaba nibayambwa omwoyo orikwera. Eki nikishangwa omukitabo kyamarwariro nabantu Oobwongo) ekya Dec. 1992. N’ekindi kitabo kibaarikweta “International Herald Tribune” ekya Feb. 11, 1993. Nakyo nikyigamba nikyo kimwe ekikwatirine naba Mungu Mwema nokugira ngu nibagamba omundimi.

2.4 OKWIHWAHO KWE BICONCO BYOMWOYO ORIKWEERA

Ebiconco by’omwoyo wa Ruhanga nibiza kugaruka kukozesibwa omubwijwire Yesu yamara kugaruka aha omunsi. Nahabwekyo ebiconco hati n ibyetwa amaani ga Ruhanga agensi erikwija (Heb.6:4,5). hamwe na (Yeweri 2:26-29). Ezi eshuura nizitworeka oku ebiconco byomwoyo nibiza kweshukyera omunsi Isirayiri yamara kwetisa. Egi emishorongo nekihamya ngu kwe omwoyo orikwera tariho kwihaho naza kwija narishi kubaho Yesu yamara kugaruka. Kandi okugaruka kwa Yesu tikuri hare. Omwoyo orikwera akagarukayo endagaano ensya yamara kuhandikwa kandi nekigyendererwa kya ruhanga kyamara kuhikirira omuri Yesu (1 Kor 13:8-10) (Abefeeso 4:8-14) nibongyera kutwetegyereresa eki munonga. Shoma (Abefeeso 4:14) 1 Kor 13:11.

ABO HATI ABARIKUGIRA NGU BIINE OMWOYO ORIKWERA

- Abarikugira ngu nibagamba endimi hati,ebibari kugamba tibiine makuru, nibagamba ebigambo bakubigarukamu nka ekyokureberaho. “ Lala, lala, lala, shama, shama, yesu, yesu ebigambo ebi tibiine kakwate n’orurimi rwoona oruriho hati. Kandi tibikwetegyerezibwa.

- Bamwe nibagira ngu okugamba endimi noba wajunwa! eki kigwire. 1 Kor. 12:17, 27-30. Kuri nogira ngu omubiri gwoona nomukono, hati okuguru ninga ebindi bicweeka bikarugirehi? Ninga kuri nogira ngi abantu boona hati nibaba nibashomesa, bakashomise bahi? Nahabwekyo omwe akaba naherezibwa Omwoyo atunga obwengye, ondijo okwikiriza ondijo okugamba endimi nebindi biconco. philipo akahindura abantu bingi ba Samaria. Akaba ababatiza omumaizi baheza kwetegyereza ebyahandikirwe, kubabaire babatizibwa, bakaba batatunga Mwoyo orikwera. Petero na Yohana kubaizire babashabira babataho emikono batyo babona kutunga Omwoyo orikwera. (Ebyak. 8:4-18). Okutebwaho emikono kwa abegyesibwa ba Yesu nukwe kwabaire kutuma omuntu yatunga Omwoyo orikwera. hati obwire obu eki tikiriho ahakuba abegyesibwa ba Yesu boona bakafa bahwaho.

Paulo akagira ngu akaba nayenda kutayayita Abarooma kubahereza ebiconco by’Omwoyo Orikwera (Rom. 1:11, Abefeso 4:12) kuri nogira ngu washaba notunga Omwoyo Orikwera, kikaba kitarikuza kwetagisa ngu Paulo abanze yaza roma, Akaba naza kushabira ahu yabire ari kwonka akatekwa kuzayo kubataho emikono.

Hariho obutikirizana aha gati yabo abarikugira ngu bashaba nibatunga Omwoyo Orikwera. Abakarizimatika nibagira ngu obukama bwa Ruhanga nibuza kubaaha omunsi. Eki kihikire kwonka abandi nibagira ngu obukama bwa Ruhanga nibuza kuba Omwiguru. Abakristo baba karizimatika bo nibagira ngu omwoyo Orikwera nabagira ngu baramye Bikira Mariya hamwe na Paapa bonka! Kandi bo aba (Pentecostal) mungumwema bagira ngu Omwoyo Orikwera nabaragiira ngu Paapa tahikire ngu kandi nebigyendererwa bya Bakristo tibihikire. kandi obwe Yesu akagira ngu abo boona abiine Omwoyo Oriwkera niborekwa ekihikire, batiine kubanganisa. Yoh. 1:13,23 14:26).

Shoma Emishororongo egi; (Abefeso 4:11) 1 Kor. 12:28-30), Ebyak. 2:4; 10:46, 19:16) Weena orikugira ngu aine Omwoyo Orikwera ashemerire Kubanza yikirizana nebyo ebitwagamba.

Hati Omuntu nikigambwa ngu nakozesa amagyezi gobwongo bwe garikwingana kimwe kigana, ebicweeka ebindi kyenda na mwenda ebikusigara nituza kubigira kandi tubikozese omubukama bwa Ruhanga, Yesu ya garuka

Omuntu kwarikutekateka munonga, obwongo bugira okubwateganisibwa, oshanga yatandika kugamba ebitakwatirine. Eki nikiba kitarikumanyisa ngu yatunga Omwoyo Orikwera. Nekindi ekimushemereire kumanya, okugira omwoyo Orikwera nikiba kitarikumanyisa ngu wajunwa tokigarukira kushisha ngaaha. Saulo akatunga Omwoyo Orikwera kwonka kandi akaba atajunirwe (Zab. 68:18), (Ezira 14:4).

Okugira ngu abakurasi ba Yesu hati nibabasa kukora ebyokutangaza obwo bakuyambwa Omwoyo Orikwera, ekyo kigwire. (Yohana 14:12, 16), Yoh. 14:12.

Abatungire ebiconco byomwoyo orikwera abakare, kikaba kitetagisa ngu omuntu abanze yahika haihi nogwo owabiire atambirwa emirundi emingi eki kikaba kikorwa omuntu ari hare.

Kandi nabo ababiire batambirwa bakaba baba batiine kwikiriza shooma (Luk. 22:51). Kandi hakaba hatariho kugira ngu nogyezaho kutunga ekiconco reru nikikurema. Ebiconco bikaba biruga ahari Ruhanga birabira omu mwoyo Orikwera. Mat. 7:22,23, 24:24, (2 Tes. 2:9,10).

2.5. BAIBULI NIBWO BUSHOBOROZI.

Kurugirira omu bitwareeba, Omwoyo wa Ruhanga ni ebiteekateko hamwe n’ebikorwa bye. Hati Omwoyo wa Mukama narabira omu kigambo kya Mukama niyo Baibuli. Abantu bamwe nibagira ngu hariho endijo Mihanda eyi Ruahnga arikutweyorekyeramu etari Baibuli. Kwonka bagwire, shooma oyetegyereze ebirikukurataho. (Yer. 17:9), (Yoh. 17:17.

EDIINI	EBINDI	EKIRIKUTUMA ABANTU BATWARWA
Jehovah’s Witnesses	Aba nibagira ngu hariho okubonekyerwa okundi, aharubaju rwa Baibuli	Tibarikufayo kwetegyereza Baibuli ekyerikushoborora.
Abakaturiki (Roman Catholics)	Aba nibikiririza omuri Paapa nabasesorodoti Ekibarikugamba bikiriza bateshomire baibuli.	Baingi tibarikwikirizibwa kushoma Baibuli aha bwabo. Nibakuratira ebi barikushomesibwa.
Amasitaane (Mormons)	Ekitaabo kyebi kiriho	Ebi byona tibyine kakwate na baibuli. Kigumire kwikiriza ebintu ebi abokubikuratira nibahakanisa Ruhanga.
Abakarizimatika	Aba bo nibikiriza ngu nibashaba Batunga omwoyo Orikwera	Ekibarikwikiriza ninga batekateeka bagira ngu kihikire, bagira ngu omwoyo Orikwera niwe yaragira.

Embaganisa egi yoona nerugirira omu butashoma baibuli eketegyerezibwa. Baibuli nemwe kwonka ediini ni nyingi ahabwenki? Nokugira ngu ekanisa enyingi ziine entwaaza yaazo eri aheeru ya Baibuli waba noyenda kumanya ekanisa ekihire, enyikiriza ehikire hamwe n’okubatizibwa okuhikire, (Abafeso 4:4-6).

Okugarukwamu nikwo oku. “Garuka aha Baibuli”.

Shooma baibuli iwe wenka noza kumanya ediini ninga ekanisa ehikire.

OKWETEGEYREZA 4:

OMWOYO ORIKWERA NOMUNTU?

Ebitwaheza kushoma, byatworeka ngu Omwoyo Orikwera namaani ga Ruhanga kandi amaani aga nigoreka ekiteekateko kye. Ediini ezimwe nizigira ngu Omwoyo Orikwera nawe ni Ruhanga, kwonka kandi eki kigwiire.

Amashanyarazi namaani agatarikurebwa, kwonka kandi nigakora ebintu bingi.

Nahabwekyo tokubaasa kugira

ngu amasanyarazi n’omuntu. Rukundo nekintu ekiri omu muntu kwonka kandi timuntu.

Baingi abarikwikiririza omu Bushatu nibagira ngu Ruhanga, Yesu hamwe n’Omwoyo Orikwera boona niba Ruhanga ngu kandi nibingana! Eki tikihikire ahakuba Yesu n’omwana wa Ruhanga, kandi Omwana takubasa kwingana nishe. Kandi Omwoyo Orikwera namaani ga Ruhanga shooma emishororongo egi.

- (Rom. 11:25), (16:25)

- (1 Kor. 15:51)

- (Abefeso 1:9, 3:3), 6:19

- (Kol. 4:3), (Kol 1:26, 27)

OKWETEGYEREZA 5:

EKIKURU KYOKUBA OMUNTU.

Omu Baibuli Sitane nibagitwara nk’omuntu oine obushoborozi. Kwonka Sitane timuntu, Hariho ebintu bingi omu Baibuli ebirikutwarwa nk’omuntu omu nkozesa yabwo kwonka kandi kitari kwo.

Ekyokureberaho:

- Obwengye - (Efu. 3:13 – 15) (Efu. 9:1)

- Obugaiga – TiharihoOmuntu orikubaasa kuhereza abakama babiri. Noteekwa kuhereza omwe ondijo nakurema. Shoma (Mat. 6:24). Torikubaasa kuhereza Ruhanga hamwe na Sitane ngu kyabasika. Torikubasa kuba Omugaiga munonga okahereza na Ruahnga, kwihaho noza kuba omuhuuku we sente zawe ezo.

Ekibi - Weena orikushisha naba omuhuku wekibi. (Yohana 8:34) kandi ekibi kyakura nikirugwamu okufa. (Rom. 5:21), (Rom 6:16).

- Shoma (Yoh. 16:13), (Ebyak. 2:3-4)

- Okufa (Okush. 6:8)

- Isirayiri – shooma (Yer. 31:4), (Yer. 31:18).

Abikiriza –Shooma (Abefeso 4:13, 4:4), (1 Kor. 12:27), (Kor. 1:18,24), (2 Kor. 11:2), (Okush. 19:7)

OKWETEGEYREZA 6.

Calvinism nikimanyisaki?

Emyaka mingi enyima, hariho omuntu owubabaire nibeeta Calvin. We akagira ngu okujunwa kwaitu, narishi ngu okuturiba omumagara gomumaisho, ngu nikutebekanisibwa kare. Oba twikiriza oba turireera, gu tikiine makuru. Eki washoma emishororongo egi erikukurataho noza kumanya ngu eki tikihikire.

Kuri kirikityo, Baibuli tekubiire eriho, n’okugishoma tikyakubaire nikyetagisa.

Calvin we nagira ngu hariho omuntu owubakweta Sitane orikutuma twashisha. Kwonka kandi Baibuli netugira ngu Omuntu ebiteekateeko byawe nibyo birikutuma washisha kwonka timuntu owubarikweta Sitane.

Nibingi munonga ebi Calvin yagabire kwonka kandi byoona tibiri aha musingye gwe diini. Shoma oreebe (Heb. 5;9), (Mak. 16:16), (Yoh. 3:3-5), (Rom. 6:17), (Ebyak. 13:26), (Ebyak. 13:46), (1 Tim. 4:16), (Okush. 22:17).

Okwetegyereza 7.

NOZA KUTUNGA OMWOYO ORIKWERA

Ebyak. 2:38

Petero akaburira abantu aha kiro kya Pentecoti, nabagira ati: Mweteise, mubatizibwe, nibwo muratungye omwoyo orikwera. Eki kikaba nikihikiriza ekyagambirwe Yoweri (Ebyak. 2:16-20) ahabikwatirine nokutunga ebiconco by’Omwoyo Orikwera.

Ahamuheru gwekyasha kyokubana (First Century0 Emyaka 70 Petero yamara kuhereza ebigambo ebyo, Ebiconco by’omwoyo Orikwera bikihwaho. Kandi nabatari bayudaaya nabo nikigambwa ngu bakatunga ebiconco by’omwoyo orikwera. (Ebyak. 2:39), (Abefeso 2:14-17).

Yoweri 2:20-28 Oreebe omwoyo wa Mukama okuyayambire ebisirayiri bakafeera abazigu baabo. Ekyo ekyabaireho omu (Ebyak. 2) okugamba endiimi kakaba kari akantu kakye shoma (Kol. 1:10), (1 Yoh. 4:9, 3:17) (2 Kor. 5:14).

EKICONCO KYOKUSASIRANA.

Ninza kwohereza omwoyo wagye aha Bantu bangye kandi mpereze omugisha nabaana baabo. (Isa 53:2).

Ebi byona bikiiza byahikirizibwa omuri Yesu Kristo. (Ebyak. 3:25, 26). Abo abatari bayudaaya nabo bakahebwa omugisha bakurabira omuri Aburahamu ahakuba ogu niwe ishe wabikiriza. Shooma (Gal. 3;2,5, 3:8-11). Aha okutunga omwoyo nikishushana n’okutunga omugisha okujunwa hamwe n’okusasirana kurabira omuri Aburahamu.

Gal. 3;14, endagaano na Aburahamu. Kandi Paulo nayegamiza okuburira kwe aha byagambirwe Petero.

PETERO OMU BYAKOZIRWE 2	PAULO OMU BA GARATIYA 3.
Mubatizibwe omu iziina rya Yesu Kristo	Okubatizibwa omuri Yesu
Buri omwe … kandi mweena	Kandi mweena
Imwe … Kandi naabo abahaare (Gentiles)	Batari Bayudaaya ninga aba Gurika (Gentile)
Abo boona abarikirize bakabatizibwa. Bakaba bari hamwe kandi biine byoona	Boona bakaba bari omwe, omukubatizibwa omuri Yesu.
Ebintu byoona birikushushana …. Nomutima guwme.
Kubahuriire ebi, bakabatizibwa kandi baraganisibwa omwoyo Orikwera.	Notunga Omwoyo Oriwkera wamara kwikiriza
Okuraganisibwa Omwoyo Orikwera kuri ahariiwe	Muri abahanguzi kurugirira aha Ndagaano ya (Aburahamu)

Pereto omubyakozirwe 3:19 nagambira abantu ngu betiise bahindurwe. Kandi omu Byak. 2:38 agira ati: Mwetiise mubatizibwe kandi mutungye n’ebiconco by’Omwoyo Orikwera.

Petero akagambira abayudaya ati: Mweteise Mubone kutunga Omwoyo Oriwkera, kandi okutunga Omwoyo Orikwera kikaba kiri nk’okugira ngu Ruhanga yagarukamu okushaba kw’omuntu. (Mat. 7:11, Luk 11:13). 1 Yoh. 3:24 negira ngu nituhebwa Omwoyo wa Ruhanga twamara kwikiriza tukakora ebi Ruhanga arikwenda. (1 Yoh. 5:14), 1 Yoh. 3:21,24) (1 Yoh. 4:13). Shooma na (Abarooma 11:29).

OMUHUMURIZA.

Yohana eshuura 14 hamwe ni 16 nizigamba aha kwija kwomuhumuriza. Shooma Yoh. 14:26. hati Omwoyo wa Mukama natweyoreka arikurabira omukigambo kya Ruahnga niyo Baibuli (1 Kor. 13:9-13). Zombi endagano eya ira hamwe nensya zishemereire kushomwa obwo nibwo turikwetegyereza entwaza ya Ruhanga n’omuntu, n’abyoona ebirikugambwa omu Baibuli.

Okwetegyereza 8.

“OBUMANYISO OBU NIBUZA KUKURATAHO” (MAK. 16:17)

(Mak. 16:18) kubaranywe ekintu kyoona ekibi, tikirikwija kubakora kubi kubarate emikono ahabarwire, nibaija kutambirwa. Ebi byoona nebindi bikaba nibiza kukorwa omuntu yaba aine owkikiriza Paulo Akakwaata enjoka yobushegu bwamaani kwonka teramuhutarize (Ebyak. 28:3-7).

Abo boona aba karizimatika abarikugira ngu biine Omwoyo Orikwera, emyaka nka igana enyima, tihaine orakozire ekyokutangaza nkekyo. Tikirikubasika omuntu kutemwaho nkomukono, reru owa karizimatika akagugaruzaho!

Byona ebitwareeba nibyoreka ngu Owmoyo Oriwkera tariho hati, akihwaho endaggano ensya yamara kuhandikwa. Nituza kugaruka kutunga amaani ago omubwijwire Yesu Mukama witu yamara kugaruka aha omunsi shooma (Mak. 16:17,20).

EISHOMO RYA 2.

EBIBUUZO.

1. Yoreka ahaifo ebigambo ebirikumanyisa Owmoyo wa Ruhanga?

(a) Amaani.

(b) Ohikirire

(d) Omucuucu

2. Omwoyo Orikwera nenki?

(a) Nomuntu

(b) Namaani

(d) Ekicweka kyobushatu.

3. Baibuli ekahandikwa eta?

(a) Abantu bakahandika ebiteekateko byaabo.

(b) Abantu bakahandika ebibatekatekire ahari Ruhanga.

(d) Ekicweka kimwe kikahebwa Omwoyo Oriwkera ekindi tikirahibwe Omwoyo Orikwera.

4. Hereza Enshonga ahabwenki ebiconco by’Omwoyo Orikwera byahaibwe?

(a) Kwongyera amaani Omukuburira engiri.

(b) Kutungura ekanisa yakare.

(d) Kuyamba abegyesibwa ba Yesu omubizibu byaabo.

5. Ninkahi ehitwakubaasa kushoma amazima ga Ruahnga?

(a) Kuruga omu baibuli nanokuruga omu bitekyerezo byaitu.

(b) Kuruga aha Mwoyo Oriwkera arikutugambira misho na misho kutari kushoma Baibuli.

(c ) Okushaba n’okushoma Baibuli.

(d) Kuruga omu bakugu omu byedini hamwe naba Sesorodoti.

6. Yoreka ebiconco byomwoyo oriwkera ebyabaireho ningashi ebyatungirwe omu kyaasha kyokubaanza (First Century).

7. Ebiconco ebi bikihwaho ryaari? Hati nikibasika kubitunga?

8. Hati Omwoyo Oriwkera nakorera omumagara gaitu?