EISHOMO RYA II

EISHOMO RYA II

AMAGARA MARUNGI OMURI YESU

11.1 ENTANDIKIRIRO

Okubatizibwa nikutuha amatsiko g’okutunga amagara gatahwaho omubukama bwa Ruhanga. Okuhika ahari eki, tushemereire kutuura amagara marungi hati omuri Yesu (2 Pet. 1:4)

(Kush. 3:12).

Twamara kubatizibwa, tushemerire kuguma nitweyihaho ebirikutukyema ebyomubiri. Kuturikubatizibwa ebibi byaitu nibiba byaafa naitwe, kandi twaruga omumaizi nituba twazooka na Yesu turi basya kugumizamu omumuhanda oguhikire. Tushemereire kuandika kuza omukishushani kyokukora ebya Ruhanga bitari by’ensi twaba nitweenda kwetantara ebyetaago byomubiri (Kol. 3L1-5). Twamanya ebiragiro bya YEsu kandi tukakora ebyarikwenda, twamara kubatizibwa obwo nituba turi ahamusingye murungi ogu Ruhanga arikwenda (Ezra 20:21).

11.2. ENTWAZA NUNGI OMURI RUHANGA (OKUHIKIRIRA). Ohikiriire,

Ohikiriire Ohikirire, ni Ruhanga (Isa. 6:3) okuhikirira nikimanyisa okutaana n’ebyensi okakurata ebya Ruhanga. Nahabwekyo omuntwaza yaitu nomubikorwa byaitu, tushemerire kuba abahikiriire (Efe 5:1), (1 Pet. 1:15,16) (Lev. 11:44).

Abisirayiri bakaihwa omuri Misiri batatizibwa omumugyera gwa Red sea. Nabwanyima baaba eihanga rihikiriire, (Kur. 19:6) (2Tim 1:9) (Rom 6:19,22) waba otahikirire omumagara aga, torikubaasa kureeba Ruahnga (Heb. 12:14) (Heb. 20:10) ( 2 Pet. 1:4).

Twahairwe omugisha gwokuba abahikirire, tushemerire kutanira kimwe nebyensi. Ebintu byensi nebyomubiri ebirikugyenzaho kutwiiha aha muhanda oguhikire twaza kureeba bimwe ebitushemerire kutaana nabyo kandi hamwe nebi tushemerire kukora.

OKUKORESA AMAANI.

Nitutuura omunsi eyehingurizibwe ekibi omumashomo agahwaire, turebire ngu ekibi nimwijukuru wenjoka ya Eden. Nahabwekyo omwikiriza ashemeriire kugyezaho akanga ekibi, (Mat. 5:39) (Rom 12:17). Ebizibu nibireetwa Ruhanga, (Isa. 45:7). Nahabwekyo twagyezaho kugira ngu ebizibu tibishemeriire kutuhikaho, nituba nituhakanisa Ruhanga Yesu akatugira ngu tushemerire kwikiriza ebizibu nkoku biraije. Yesu nayongyera agira ngu Omwikiriza ku-orateerwe omushaya gwa buryo, hereza ogwa bumosho nagwe guteerwe. Shoma – (Mat. 5:39,40) Yesu ashemerire kuba ekyokureberaho kyaitu. (Isa 50:6).

Titushemerir ekuhorora ekibi ne kibi titushemerire kutwaara abatushobeza omumbuga zamateeka Ruhanga niwe muramuzi kandi oritucweera orubanja (Rom. 12:19) (Efu. 20:22) (Bir. 32:35). Paul akavunaana abo ababaire nibatwaara bagyenzi baabo omu mbuga zamateeka. (1 Kor. 6:1-7)

Omwikiriza okuza omumbuga z’amateeka, nobukwakuba ahabwitaka ningashi okutaana nomukazi, nikitaana n’enshomesa ya Yesu (1 Kor. 6:1,2) Abarikwaata ebikwaato nabo bariitwa ebikwaato (Mat. 26:52) weena orisheesha eshagama ya mugyenzi we, nawe eye erashesheka (Gen. 9:6). Kandi weena arikozesa amaani ahari mugyenzi we araaba agakozise ahari Ruhanga ahakuba omuntu akakorwa omu kishushani kya Ruhanga.

Omundagaano esya netugira ngu tukunde abazigu baitu, naabo abarikutuhiganisa nokutukyeena. Kandi tubashabire (Mat. 5:44) (Luk. 6:27). Abakwaata mbundu nkabamahe, n’abaporiisi, nibamwe abantu abari kukoresa amaani kuhikiriza ebigyendererwa byaabo. Omumwanya gwokwesiga Mukama kuba niwe yakora byoona. Omwikiriza okukwatanisa nabantu nkaaba, tikihikire. Emirimo yoona erimu okurahira, nikiba kyatwiha ahakukuratira ekiragiro kya Ruhanga.

Obutegyeki.

Okwija kw’obukama bwa Ruhanga, nikyoreka ngu obutegyeki bwa Bantu tiburikubaasa kureeta obutebekana omunsi. Nahabwekyo okuhakanira obutegyeki, hamwe nokuteera oburuuru okaroonda omutegyeki, tikirikwikirizana n’okugira amasiko gobukama bwa Ruhanga. Ruhanga niwe wenka ashemerire kutaho omutegyeki. Yesu akagira ngu kwariza kugaruka, obutegyeki bwabantu, buraaba bubi munonga (Luk 21:9-11), 25-27). Efumu y’Omusamariya omurungi networeka okutushemerire kutuura nkabikiriza hamwe naabo abantu abatwehinguririze (Gal. 6:10). Okuteera oburuuru nikubaasa kureeta hatererwa omuntu ogwo owu Ruhanga atarikwenda (Yer. 10:23) (Dan. 4:32) (Mub. 5:8) (Rom. 13:1) (Yer. 27:56).

Ruhanga ku araabe niwe arikuha kandi akataho abategyeki, tushemeriire kukuratira ebiragiro byihanga eryo eyi turikutuura. Kwonka ebiragiro ebyo byaba bitarikuhakanisa ebyo ebya Yesu. (Shoma Abarooma 13;1-7).

Petero akagumizamu naburira obwo ababiire bari omubutegyeki batarikukyenda. Eki nikyoreka ngu tushemerire kukurata ebiragiro byaba bitarikutaana nanenyegyesa ya Yesu Kristo (Byak. 4:17 – 20) (Byak. 5:28, 29).

OKUSHEMERERWA OMUNSI.

Byoona ebiri omunsi ebirikugyezaho kushemeza omubiri, bishemeriire kwerindwa omwikiriza. Ebintu ebyomwoyo hamwe nebyomubiri, tibyiine kakwaate (Gal. 5:17).

Nahabwekyo titushemerire kuhayo omubiri reru tukagira ngu nitukuratira Omwooyo nituba nitubeiha. Ensi eyijwiremu okwetenga kwomubiri hamwe namaisho gaitu. (1 Yoh. 2:16) weena oriba munywani wensi araaba omuzigu wa Ruhanga (Yak. 4:4).

Okugira banywani baawe bari banywani bensi okureeba za Sineema mbi, okwe kwoona nokuba munywani wensi. Ebyensi nibiza kuhwaho kandi abo abakuratiire ebyensi, nabo nibaza kuhwerekyerera. (1 Yoh. 2:15 – 17) Twaba nitwenda obu tahwerekyerera, titushemerire kukuratira ebyensi kwihaho tukuratire ebyomwooyo (2 Pet. 2:5) (1 Yoh. 5:19) (Yoh. 17:16) (Kush. 18:4). Byoona ebirikukorwa omunsi kushemeza omuubiri, nibishiisha omubiri byo byonka, okureesa, okunywa amaarwa ekireenga, okureesa n’okunywa emibazi y’okushisha obwongo, byoona ebi nibimwe ahari ebyo ebyensi ebikushiisha omubiri kandi bitarikwikirizana n’omwooyo. Amagara gaitu hamwe nesente nabyoona ebitwiine nibiruga ahari Ruhanga, nahabwekyo titushemerire kubikoresa nkokuturikwenda. Ahakuba nituza kubuzibwa nk’oku twatwarize omunsi omu ahaizooba ry’okucweerwa orubanja (Luk. 19:12-26). Emibiri yaitu nenju zomwooyo wa Mukama. Nahabwekyo enju y’omwoyo wa Mukama titushemerire kugishiisha turikunywa Amarwa hamwe nokureesa (1 Kor. 3:16, 17) (1 Kor. 6:19, 20) Twaza kubatizibwa tukashanga turikukora ebintu ebi, tushemeriire kugyezaho kureeba ngu twabireka (Ef. 4:20-28).

11.3. ENTWAAZA NUNGI OMURI YESU.

OKUSHOMA BAIBULI

Twamara kubatizibwa tushemeriire kugira amagara g’omwooyo, gatari gomubiri (Roma 6:22, 8:1) (Gal. 5:16,25).

Nituhwerwa omwooyo wa Mukama kandi Omwooyo wa Mukama nitumutunga turikurabira omukigambo kya Ruhanga (Yoh. 15:7,8) Nahabwekyo tushemeriire kugumizamu tukushoma Baibuli omumagara gaitu goona.

Okubatizibwa norutambi rwokubaanza omu kukuratira Ruhanga. Tushemeriire kubanza twashaba twaaza kushoma Baibuli. “Yigura amaisho gangye ntungye ebintu byomutaano kuruga omukiragiro kyawe (Zab. 119: 18). Ekigambo kya Mukama kishemeriire kuba ebyokurya byaitu bya buri izooba (Shoma Yubu 23:12) (Yer. 15:16). Edakiika makumi ashatu buri izooba buri Kasheeshe zishemeriire kuba nizikwiriza haihi na Ruhanga.

Christadelphians” twine akatabo karikweetwa “Bible companion” Omu turikwiiha Eishomo buri izooba, Nabwanyima Omwaaka gwaaza kuhwa, nitushangwa tushomire endagaano ensya emirundi ebiro kandi endagaano enkuru, omurundi gumwe (Shoma Yer. 23:9).

OKUSHABA

Orikutuhikanisa haihi na Ruhanga n’omuntu omwe wenka, niwe Yesu Kristo, Yesu hati niwe munyamurwa waitu Mukuru otarasisire. Niwe wenka otushemerire kurabiramu kuhurirwa owa Ruhanga (Heb. 4:15, 16) (1 Tim 2:5-8) tushemerire kushaba twine okwikiriza. Okushaba kwitu kushemeriire kubamu okusiima hamwe n’okwebaza, titushemerire kuhayo ebizibu byaitu byoonka. Tihariho ekintu kikye ekitashemerire kushabwa. (Fil 4:6, 7) okushaba kwitu kwahebwayo nokwikiriza, Ruhanga natuhurira (1 Yoh. 5:14) nitumanya ebi Ruhanga arikwenda twamara kushoma ekigambo kye niyo Baibuli. Baibuli niyo eshemerire kutwegyesa ekyokushaba hamwe n’okutushemerire kushaba (Yoh. 15:7). Kikabaire kirungi twashaba omukasheshe, hamwe omumwabazyo nanokwebaza Ruahnga omwizooba namunonga twaba nituza kurya.

OKUBURIRA ENGIRI.

Wamara kushoma Baibuli okabatizibwa oketegyereza ebyahandikirwe nikiba kiri kirungi naiwe washomesa abandi Bantu bakamanya engiri. Ruhanga tarikukunda omuntu kwekunda wenka nakunda okukwatanisa (Zab. 119:105) (Efu 4:18) Yesu akashushanisa eki nkokuta etaara omumwirima nan’okugikwaata okagita ahansi ya Baketi, nogira erikuhwereza abantu neha? (Mat. 5:15) Enju eyombekire aha rushozi, terikubaasa kweshereka (Mat. 5:14) tushemeriire kuburira amazima ahari abo boona abuturi nabo. Tushemerire kuganira Baibuli nabo abamakanisa agandi nokuhereza ebihandiko aha Bantu boona kwenda ngu bamanye amazima.

Nikirungi munong akuburira engiri abantu abutukutuura nabo, hamwe naabo abuturikukora nabo (Ezra 3:17 – 21)

Babiri baryaba bari omumusiri, Omwe atwarwe kandi ondijo asigweho (Luk. 17:36). Nekyobusaasi kugira ngu omuntu ogwo nasigwaho okugira ngu tuturamuburiire ngiri.

ENTWAAZA NARISHI AMAGARA G’EKANISA.

Tushemeriire buriijo kugira ekihika kyokuterana nabandi abenyikiriza yiitu. Twamara kubatizibwa, nitutandika orugyendo ruraingwa rwokuza omubukama bwa Ruhanga.

Turi Omubiro byahamuheru byokwija kwa Yesu Kristo (Heb. 10:25) (Mal. 3:4). Tushemeriire burijo kubugana kushoma Baibuli, kwirira aha meeza, hamwe n’okuburira engiri. Ekigambo “Saint” nikimanyisa Omuntu Oyesirwe kandi abo nibo abikiriza boona

Ekanisa ningashi Ekereziya nikimanyisa abantu abesiirwe ningashi abikiriza. Nahabwekyo ekanisa nikimanyisa abikiriza aberundiine kwonka kitari kizimbe ekiberundaniiremu. Itwe (Christadelphaians) Amanakisa nitugeeta amakereziya. Omumyanya yoona nitubuganiramu. Nkomumaka gaitu, omuza “Hall” ezipangiziibwe, omuza Hoteri nendijo myanya. Ekereziya nekicweka kyeka ya Mukama. Tushemerire kuyambana nkabantu beeka emwe obwe Yesu ari ekyokureberaho kyaitu. Yesu okunabisa abegyesibwa be ebigyere, nikitworeka naitwe okutushemerire kutwaaza (Yoh. 13:14,15) (Mat. 20:25-28).

Okwegyesa omukanisa ninga ekereziya kushemerire kukorwa abashaija abikiriza “brothers” batari bakazi narishi “sisters”. Shoma (1 kor. 14:34) (1 Tim. 2:11-15).

Ruhanga akabanza kukora omushaija ekyokureberaho ngu omutwe gwomukazi nomushaija (1 kor. 11:3). Nahabwekyo omushaija ashemeriire kukurira omukazi (1 Tim. 2:11-15). Omushaija ashemeriire kukunda omukazi we nkoku Yesu yatukunzire. (Efe. 5:25), (1 Pet. 3:7) (Gal. 3:27,28) (1 Kor. 11:11) (1 Kor. 11:3). Okworeka ngu omukazi ari ahansi yomushaija, Omukazi ashemeriire kukoma eishokye rye narisho kujwaara enkofiira omunterane zoona “Brother” yaba naburira (1 Kor. 11:14, 15) (1 Kor. 11:5, 6, 10). Tikihikire omushaija kukoma ekitambara ( 1 Kor 11:7). Kandi n’omukazi tashemeriire kutegyera kimwe eishokye. Omundagaano ensya, Omukazi kutega eishokye kikaba kimanyisa ngu yafeerwa omushaija we ninga yataana nawe.

OKWIRIRA AHA MEEZA TUSHEMERIRE KUKURATIRA EBI:

1. Okushaba – Kushaba Ruhanga kuha omugisha okuterana okwo. Okwigura amaisho gaitu tuketegyereza ekigambo kye, kumusiima ahabwa rukundo ye ahariitwe omuri Yesu hamwe n’ebindi.

2. Shoma Ishomo omubaiburi eri izooba eryo – kuruga omu “Bible Companion”.

3. Okuganiira narisho okuhajana ahabyashomwa omu Baibuli.

4. Shoma 1 Kor. 11:23 – 29.

5. Akiire kokuhunama tukeshwijuma aha mitima yaitu.

6. Okushabira omugaati.

7. Okubega omugaati buri omwe akarya kakye, kakye.

8. Okushabira Vinyo.

9. Okunywa kakye aha kikopo kya Vinyo.

10. Eshaara y’okuhendera, eyokuheza.

Omukoro gw’okwirira aha meeza gushemerire kutwaara ahiguru yeshaha emwe.

11.4. OBUSHWERE OBURIKWEERA.

Abo ahakubatizibwa kwaabo baba batakashwire, bashemerire kushweera abo boonka Ababatizibwe Omunyikiriza yaabo yonka. Kandi waba nobaasa ogume wenka. Omukazi nekereziya kandi omushaiaja ninka Yesu (1 Kor. 11:15) (1 Pet. 3:50 “Sisters” narishi abikiriza abakazi bashemeriire kukora emirimo nk’okushomesa abaana bato “Sunday School” Okubiika ebitaabo, hamwe n’okushomesa “Sisters” abakiri baato omukwikiriza (Tito 2:3, 4) shoma (Kur. 15:20)

OKWIRIRA AHA MEEZA

Okushaba, okushoma baibuli hamwe n’okwirira aha meeza nk aYesu oku yaragiire, nibikuru munonga (Luk. 22:19) Yesu akasiga yagira ngu tugume nitukora eki kuhitsya obu aragarukye obwakabiri (1 Kor. 11:26) (Luk. 22:16 – 18) ( 1 Kor. 11: 23) omukwirira, omugaati nigumanyisa omubiri gwa Yesu ogwahairweyo aha musharaba, kandi Vinyo nemanyisa eshagama ya Yesu eyasheshekire aha musharaba (1 Kor. 11:23-27). Abikiriza abakaare bakaba birira aha meeza burijo nk’omurundi gumwe omusande (Byak. 2:42,46) (Byak. 20:7). Twaaba nitwirira aha meeza, nituba nitwijuka oku Yesu yatufereire ahamusharaba. Nikishushana nobugyenyi bwokuhingurwaho omubwire bwa Musa obu abisirayiri baruga omu buzaahe omuri misiri (Luk 22:15) (1 Kor. 5:7,8,) Tushemerire kwirira aha meeza omurundi nka gumwe omusande. Waba ori wenka nabwe nobaasa kushembera wenka – obwo orikukozesa vinyo n’omugaati aha meeza twaba tutaine bwokuteganisa (1 Kor. 11:26,27) 91 Kor. 11:28) Kugum a otashweire, nakyo nikikirizibwa waaba nokibaasa ahakuba eki nikiza kutuma amagara gawe goona wagata aha kuhereza Ruhanga (1 Kor. 7:7-9, 32-38) (2 Tim. 2:4) (Mat. 19:11, 12, 29) (Mub. 9:9) (1 Kor. 7:28) (1 Kor. 9:5). Abakurasi ba Yesu narishi abegyesibwa ba Yesu Ikumi nababiri, haihi boona bakaba baine abakazi bashweire. Omukazi murungi naruga ahari Ruhanga (Efu. 18:22; 19:14). Omubakorinso eyokubanza 7:1,2 tikihikire omushoija kukwaata aha mukazi, kwonka okwerinda eki hamwe nobushambani, buri mushaija ashwmeriir ekugira omukazi we n’omukazi kugira omushaija we. Obushwere bukatebwaho Ruhanga tiburatibweho muntu. Obushwere oburikwera bushemerire kugira ebi:

(1) Boaz Okushweera Ruth (Ruth 3:9 – 4:13) hakabaho Omukoro, Yesu nashushanisibwa nan’omushwezi kandi omukazi ashushanisibwa nabikiriza, abu araije kushweera yagaruka obwakabiri (Kush. 19:7-9) (Efe. 5:25-30)

(2) Obushwere bwa Ruhanga nana Abisirayiri bukagira okwikirizana nokurahira. (Ezra 16:8) nahabwekyo eki nakyo kishemeriire kukorwa omubushweere bwaitu obwahati.

(3) Omushaija n’omukazi okubyama hamwe nikikuru munonga (Bir. 21:13) (Kut. 24:67, 29”21) (1 Bag. 11:2) (1 Kor. 6:15, 16) eki nikyoreka oku okushambana aheeru y’obushwere kiri kibi munonga. Omushaija kubyama n’omukazi we nikyoreka oku Ruhanga yaterana omushaija n’omukazi omu bushwere.

Omushaija kutuura n’omukazi batahandikiise bushwere bwaabo, nibaba nibatuura omukibi. Okuhandikisa obushweere omu Gavumenti, nikikuru munonga. Abo abarikubatizibwa bagyenzi baabo batabatizibwe, tibashemeriire kutaana nabo kwihaho bashemerire kugyezaho bakashomesa abo nabo baketegyereza engiri bakabatizibwa nkabo (1 Cor. 7:13 – 15) (1 Pet. 3:1-6). Ahakubatizibwa waba oine abakazi barengire ahari omwe kandi kiri ekyobuhangwa, toshemerire abakazi abo kubareka kwihaho oshemerire kugumizamu nobareberera kwonka kandi toshemerire kwongyeraho ondijo. Omushaija nomukazi kubarikushwerana, baba omuntu omwe nahabwekyo okutaana nikiba kitahikire (1 Kor. 7:10 – 11) Paulo nagira ngu okutaana “Divorce” kukwakubaho, buri omwe ashemeriire kuguma wenka atagarukire kushweera narishi kushwerwa. Okushambana aheeru kigwerire kimwe, nikyo kishemeriire kutuma omuntu yataana namugyenzi we. (1 Kor. 7:27, 28) (Mak. 10:6 – 120.

Bamwe bambe nibagira ngu omushaija kushweera omushaija kandi omukazi akashwera omukazi kihikire! Eki kigweriire kimwe kandi Baibuli nekijumirira kimwe munonga. Ruhanga akahanga omukazi kuba omuhwezi w’omushaija. Kwonka tarahangire mushaija kuba omuhwezi w’omushaija. (Kut. 2:24) (Kut. 18 – 19) Eki nikyo kimwe ekyatumire Ruhanga yahwerekyereza Sodom. Shoma (Rom. 1:18 – 32) (1 Kor. 6:9, 10) okushanga nokora ebi, tikugira ngu Ruhanga naba yakucwa, ngaha hariho Okwetiisa nikyo Yesu yatuferiire (Zab. 130:4) (1 Kor. 6:9-11) (1 Kor. 10:13) (Rom. 1:26,27).

11.5. OKUTERANA KWABO ABARI NA YESU (FELLOWSHIP).

Ahabwokuba nitumanya kandi tukora ebi Ruhanga arikwenda, nituba nituterana nawe kandi nabo boona abarikumwikiriza nkiitwe (Heb. 13:16) (Fil. 1:5). Ekikuru omukuterana, n’okuguma nitwijuka okwirira aha meeza buri Sande (Byak. 2:42, 46). Okwirira hamwe aha meeza nitkutwijutsya kandi kutwiriza haihi na Ruhanga. Abo bonka ababatizibwe bamara kwetegyereza ebyahandikirwe nibo bonka abashemerire kwirira aha meeza (1 Kor. 10:16, 17) (1 Yoh. 1:2,3) Ruhanga nomushana, nahabwekyo twagira ngu turi na Ruhanga kandi obwe turikushiisha, nituba nitubeiha kandi tutari mumazima. (1 Yoh. 1:5-7).

Twagira ngu titwiine kibi kyoona, nituba nitwebeiha (Zab. 119:105) (Efu. 4:18) (Yoh. 17:17, 3:21) (Efe. 5:13) (1 Yoh. 1:8) omuntu weena arikukora ebi Baibuli etarikwikiriza titushemerire kuterana nawe narishi kwirira nawe aha meeza (Efe. 5:11) (Luk. 15:1-7) (Mat. 18:15-17) (2 Kor. 6:14-18).

Titushemerire kuterana nabo boona abarikushomesa ebi Baibuli etarikugamba. Omwirima tigwine kakwaate n’omushana. Nikiba kigwiire twaterana nabo abenyikiriza ezindi ezirikugira ngu Ruhanga nobushatu, ngu obukama bwa Ruhanga nibuza kuba omwiguru nebindi bingi ebirikuhakanisa Baibuli. (Fil. 1:27) Hariho okwikiriza kumwe ekanisa emwe, amasiko gamwe, okubatizibwa kumwe na Ruhanga omwe (Efe. 1:23) (Efe. 4:4-6) Nikiba kitahikire kwikiriza ebi kandi okaterana naabo abatarikubikiriza.

EISHOMO II

EBIBUUZO

1. Nimpinduka ki eshemeriire kuza omu magara gaitu twamara kubatizibwa?

2. Okuhikirira nikimanyisa ki?

(a) Obutaterana nabatari bikiriza.

(b) Okutaana nekibi okakora ebya Ruhanga.

(d) Okukora ebirungi ahabatahi beitu.

3. Nimirimo ki etashemerire kukorwa omwikiriza ohikire.

4. Ebigambo ebi nibimanyisa ki?

(a) Omwikiriza

(b) Ekereziya

5. Ebihikire nibiiha ebikwatiriine nokwirira aha meeza?

(a) Tushemeriire kwirira / kushembera buri sande.

(b) Tushemeriire kukikora omurundi gumwe omumwaaka.

(d) Omugati na Vinyo nibimanyisa omubiri neshagama ya Yesu.

6. Ebihikire aha kushweera nibiiha?

(a) Tushemeriire kushweera abikiriza bonka.

(b) Okutaana nikwikirizibwa.

(d) Omu bushwere omushaija najwekyera Yesu kandi omukazi ajwekyera abikiriza

7. Abakazi bashemeriire kushomesa omumakereziya nari?

8. Wamara kubatizibwa okamanya amaziima, oshemeriire kuguma noterana naabo abarikushomesa ebirikutaana na Baiburi?

9. Noyenda kugumizamu okushoma Baibuli obwe orikuyambwa / kushomesibw a”Christadelphians”?